Trapili ŭ avaryju, vyciahvali rečy z pabitaj mašyny — i papali pad furu 3

Fota Auto.onliner.by

Fota Auto.onliner.by

U noč na subotu ŭ Kobrynskim rajonie piać žycharoŭ Brestčyny trapili ŭ padvojnuju avaryju, paviedamlaje Auto.onliner.by U pieršym vypadku im paščaściła, a druhaja avaryja skončyłasia trahiedyjaj — adzin čałaviek zahinuŭ, troje byli paranienyja.

Pavodle infarmacyi DAI, abiedźvie avaryi z roźnicaj niekalki chvilin zdarylisia pryblizna a pałovie na 2-ju nočy na trasie Brest—Minsk. 29-hadovaja kiroŭca Opel Vectra nie spraviłasia z kiravańniem, u vyniku čaho aŭto pierakuliłasia i apynułasia na pałasie sustrečnaha ruchu.

Pasažyry aŭto, nasupierak prośbam kiroŭcy, nie adyšli na biaśpiečnuju adlehłaść ad raźbitaha lehkavika. Jany vyciahvali z raźbitaha aŭto rečy. U hety momant lehkavik prataraniła fura.

Jana kinuła Opel na ludziej. Žančyna 1960 h.n. zahinuła na miescy, jaje muž (1950) i syn (1988) atrymali pierałomy, pasažyrka (1972) — rvanuju ranu plača.

Pavodle Auto.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH