Minkultury prafinansuje novyja teatralnyja pastanoŭki pavodle tvoraŭ biełaruskich aŭtaraŭ

Ministerstva kultury Biełarusi pryniało rašeńnie prafinansavać novyja pastanoŭki pavodle tvoraŭ biełaruskich aŭtaraŭ u šerahu teatraŭ.

Jak paviedamiła pres-sakratar Minkultury Hanna Smolskaja, buduć poŭnaściu prafinansavanyja śpiektakli «Symon-muzyka» pavodle paemy Jakuba Kołasa (Hrodzienski abłasny dramatyčny teatr), «Kamiedyja» pavodle pjesy Uładzimira Rudava (Mahiloŭski abłasny dramatyčny teatr), a taksama śpiektakl «Chamucius» pavodle paemy Arkadzia Kulašova (Biełaruski respublikanski teatr junaha hledača). Płanujecca, što premjery hetych śpiektaklaŭ źjaviacca da kanca biahučaha hoda.

«Hetaja praktyka isnavała zaŭsiody, — adznačyła Smolskaja. — Ministerstva kultury štohod padtrymlivaje pastanoŭki pavodle tvoraŭ biełaruskich aŭtaraŭ, jak u respublikanskich, hetak i ŭ rehijanalnych teatrach».

Aproč taho, arhanizacyja hastrolaŭ Nacyjanalnaha akademičnaha Vialikaha teatra opiery i baleta Biełarusi ŭ Litvie taksama prachodziła pry finansavaj padtrymcy ministerstva. 29 kastryčnika ŭ miežach Dzion kultury Biełarusi ŭ Litvie budzie pakazany śpiektakl «Spartak».

0

0

0

0

0

0

Zachar Ščarbakoŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH