Rasijskija ekśpierty, jakija daśledavali niekatoryja kampanienty vybuchovaj pryłady, jakaja była znojdziena nočču 3 lipienia 2008 hoda ŭ rajonie skryžavańnia praśpiektaŭ Mašerava i Pieramožcaŭ u Minsku, u chodzie śledstva vyznačyli mahčymy rehijon jaje vyrabu. Vyniki hetaha daśledavańnia byli nazvanyja ŭ sudzie nad Uładzisłavam Kavalovym i Dźmitryjem Kanavałavym 28 kastryčnika.
Ekśpierty znajšli na kampanientach bomby pyłkovyja ziarniatki niekatorych raślin, naprykład, chvoi zvyčajnaj, chvoi jeŭrapiejskaj, jełki, lipy, viarby, hraba, tapoli i šerahu inšych raślin. Jany zrabili vysnovu, što hetyja kampanienty bomby mahli vyrablacca abo znachodzicca ŭ zachodniaj častcy Branskaj vobłaści, u Kalininhradskaj vobłaści,
Časam vytvorčaści hetych kampanientaŭ ekśpierty ličać maj abo červień.