Sankcyi ŭ dačynieńni da Biełarusi ŭžo dajuć plon, zajaviŭ žurnalistam 27 kastryčnika ŭ Brusieli pradstaŭnik NATO, jaki paprasiŭ nie nazyvać jaho imia. «Sankcyi pracujuć. Jany pavinny pryvieści da palapšeńnia situacyi z demakratyjaj i pravami čałavieka», — skazaŭ jon.
Pradstaŭnik NATO adznačyŭ, što vyzvaleńnie častki palitźniavolenych źjaŭlajecca «pramym vynikam» dziejańnia sankcyj.
Razam z tym jon padkreśliŭ, što «ŭ apošni čas bačna raźvićcio padziej, jakija nas tryvožać». «Heta datyčycca zakonaprajektaŭ, jakija abmiažoŭvajuć pravy i svabody čałavieka. U ich jość žorstkija, drakonaŭskija miery, jakija nieprymalnyja», — zajaviŭ pradstaŭnik NATO.
Jon taksama ličyć, što Biełarusi «važna ruchacca na šlachu zbližeńnia z Zachadam». «Pakul my nie ŭbačym pieramien u Biełarusi, my nie zmožam pašyrać uzajemaadnosiny», — skazaŭ pradstaŭnik aljansu.
Jašče adzin pradstaŭnik NATO zajaviŭ, što arhanizacyja nie vitaje palityku zaklikaŭ da revalucyi ŭ Biełarusi. «Zachad zaklikaje da demakratyčnych pieramien. Sprava nie ŭ tym, chto źjaŭlajecca lidaram krainy, a ŭ tym, kab demakratyja i svabody padtrymlivalisia lubym lidaram», — padkreśliŭ jon.