Siońnia atestacyjnaja kamisija kamiendatury ŭ vioscy Kuplin (Pružanski rajon) pryznała, što sustaršynia BCHD Pavieł Sieviaryniec «staŭ na šlach vypraŭleńnia».
Sam palitviazień hetak raskazvaje pra zdareńnie. «Jašče ŭ abied mianie vyklikaŭ da siabie namieśnik načalnika kamiendatury. Zapytaŭsia, ci nie źmianiłasia majo staŭleńnie adnosna pryznańnia viny. Skazaŭ, što nijakich źmien. Tym nie mienš, dzieści, a 19 adbyłosia pasiedžańnie atestacyjnaj kamisii z udziełam administracyi kamiendatury i pravasłaŭnaha śviatara.
Byli začytanyja stanoŭčyja charaktarystyki na mianie. A taksama było pryznana, što ja «staŭ na šlach vypraŭleńnia», — kaža Pavieł.
Na dumku palityka, heta moža pryvieści da źmieny formy adbyćcia pakarańnia. «Ciapier heta puściać u vyšejšyja instancyi. Mahčyma, budzie zamiena režymu z «chimii» na «chatniuju chimiju» ŭ Viciebsku. Isnuje taki artykuł u zakanadaŭstvie. Ale nie dumaju, što heta budzie chutka vyrašana», — raskazvaje Pavieł.
Nie tak daŭno jamu ŭžo prapanoŭvali pieravod dadomu, pry ŭmovie, Sieviaryniec chacia b vusna pakajecca. Adnak palityk hetaha nie zrabiŭ.
Pavieł Sieviaryniec asudžany da troch hadoŭ «chimii» pa spravie 19 śniežnia. Pakarańnie adbyvaje ŭ Pružanskim rajonie, pracuje kładaŭščykom u fiermierskaj haspadarcy.