Za čas znachodžańnia Dźmitryja Kanavałava ŭ SIZA KDB advakat Dźmitryj Lapretar nie byŭ dapuščany da jaho ni razu. Heta vynikaje z materyjałaŭ, abnarodavanych 27 kastryčnika ŭ sudzie pa chadajnictvie Stanisłava Abrazieja — abaroncy druhoha fihuranta spravy ab teraryźmie Uładzisłava Kavalova.
Kanavałaŭ i Kavaloŭ znachodziacca ŭ SIZA KDB z 13 krasavika.Lapretar staŭ abaroncam Kanavałava adrazu paśla jaho zatrymańnia, 12 krasavika. Jon supravadžaŭ svajho padabaronnaha padčas usich śledčych dziejańniaŭ, u jakich toj udzielničaŭ.
Pavodle abnarodavanych danych, 11 čałaviek naviedvali Kanavałava ŭ śledčym izalatary ŭ ahulnaj składanaści kala 55 raz. Hałoŭnym čynam heta byli śledčyja.
Abraziej naviedvaŭ Kavalova tolki adzin raz. U hetaha abvinavačvanaha za čas znachodžańnia ŭ SIZA 11 čałaviek pabyvali kala 50 raz. U asnoŭnym heta byli tyja ž asoby, jakija naviedvali Kanavałava.
U toj ža čas Lapretar i Abraziej nieadnarazova naviedvali svaich padabaronnych, kali jany znachodzilisia 25 maja — 16 červienia ŭ adździaleńni stacyjanarnych sudova-psichijatryčnych ekśpiertyz. Usiaho ŭ hety pieryjad było bolš za sorak naviedvańniaŭ.
Uklučajučy advakataŭ, da abvinavačvanych prychodzili 12 čałaviek, u tym liku na toj čas namieśnik hienieralnaha prakurora — načalnik śledčaha ŭpraŭleńnia Hieprakuratury Andrej Švied.
