27.10.2011
/ 17:28 / Ałharytmičny łacinski varyjant
9-hadovuju dziaŭčynku zhvałcili na minskim aŭtavakzale
Padazravany — 27-hadovy žychar Vilejščyny, raniej asudžany za zhvałtavańnie. Školnica pryniała jaho za milicyjanta.
Pa padazreńni ŭ zhvałtavańni 9-hadovaj dziaŭčynki zatrymany žychar Vilejščyny. Jak paviedamiŭ starejšy prakuror Minska Siarhiej Bałašoŭ, złačynstva było ździejśniena kala 15.00 24 kastryčnika na aŭtavakzale «Maskoŭski» ŭ Minsku. Dziaŭčynka, jakaja pražyvaje ŭ Minskim rajonie, vučycca ŭ staličnaj škole. Na aŭtavakzale jana čakała aŭtobus, kab viarnucca dachaty. Sa słoŭ dziaŭčynki, nieviadomy mužčyna padyšoŭ da jaje i zahadaŭ prajści ź im.
Školnica pryniała jaho za milicyjaniera, bo jon skazaŭ: «Prajdziomcie». Złačyniec zavioŭ dziaŭčynku ŭ hramadski tualet i zhvałtavaŭ jaje ŭ kabincy. Dzicia znajšła prybiralščyca, jakaja vyklikała milicyju.
Padazravany — 1984 hoda naradžeńnia, raniej byŭ asudžany za hvałtoŭnyja dziejańni seksualnaha charaktaru (častka 1 artykuła 167 Kryminalnaha kodeksa).
Śledčym adździełam prakuratury Mienska ŭ dačynieńni da zatrymanaha zaviedziena kryminalnaja sprava pa častcy 3 artykuła 166 UK (zhvałtavańnie zahadzia małaletniej).
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH