Arhanizavanaja złačynnaja hrupa, u skład jakoj uvachodziać kiraŭniki i buchhałtary bujnych pryvatnych pradpryjemstvaŭ stalicy, zatrymana pa padazreńni ŭ niapłacie 1 młrd padatkaŭ, paviedamlaje BiełTA sa spasyłkaj na apierupaŭnavažanaha pa asabliva važnych spravach HUBEZ MUS Biełarusi Vieraniku Paśmiećjevu.
Złačynnuju hrupu zatrymali pry praviadzieńni
Ustanoŭlena, što pryvatnyja pradpryjemstvy zajmalisia realizacyjaj mietaličnych vyrabaŭ i pramysłovaha abstalavańnia, jakoje impartavałasia ŭ Biełaruś z Rasii. Ź lipienia pa kastryčnik padazravanyja, vykarystoŭvajučy rekvizity łžepradprymalnickich struktur, uchililisia ad vypłaty padatkaŭ, zboraŭ u asabliva bujnym pamiery — na sumu 1 miljard. U chodzie praviedzienych pieratrusaŭ u žyłych pamiaškańniach kanfiskavanyja najaŭnyja hrašovyja srodki ŭ sumie bolš za 750 młn rubloŭ, a ŭ ofisach — roznyja dakumienty buchhałtarskaha ŭliku, arhtechnika, druku i štampy subjektaŭ haspadarańnia Rasii i Biełarusi.
U ramkach papiaredniaha rasśledavańnia nakładzieny aryšt na hrašovyja srodki, jakija znachodziacca na raźlikovych rachunkach pradpryjemstvaŭ, u sumie bolš za 180 młn rubloŭ
Zaviedzienyja kryminalnyja spravy pa art.243 KK RB (uchileńnie ad vypłaty sum padatkaŭ u asabliva bujnym pamiery i dapamohu ŭ ździajśnieńni takoha złačynstva) u dačynieńni da siami padazravanych.
Piaciora ź ich źmieščany ŭ izalatar časovaha ŭtrymańnia, pravodzicca dalejšaje rasśledavańnie.
