paviedamiŭ pieršy namieśnik ministra achovy zdaroŭja Dźmitryj Pinievič žurnalistam 27 kastryčnika, pierad adkryćciom u Minsku
Pavodle słoŭ Pinieviča, heta struktura budzie ŭjaŭlać saboj ustanovu, ubudavanuju ŭ sistemu achovy zdaroŭja Biełarusi pry značnaj padtrymcy hramadskich arhanizacyj. Užo jość rasparadžeńnie prezidenta, jakim vydzialajecca ŭčastak pad budaŭnictva chośpisa. Viaducca pieramovy z zamiežnymi inviestarami i biełaruskaj
Pieršy namieśnik ministra ličyć, što stvareńnie Respublikanskaha dziciačaha chośpisa stanie «čarhovym šturškom» dla raźvićcia palijatyŭnaj dapamohi dzieciam Biełarusi. Usiaho ŭ krainie naličvajecca 1 młn. 700 tys. dziaciej,
pryblizna 25 tys. ź ich majuć «tuju ci inšuju stupień straty zdaroŭja», prykładna 1,5 tys. majuć patrebu ŭ palijatyŭnaj dapamozie.
Pinievič adznačyŭ, što pieršaj ustanovaj, jakaja stała akazvać palijatyŭnuju dapamohu ŭ Biełarusi, źjaŭlajecca hramadskaja dabračynnaja arhanizacyja «Biełaruski dziciačy chośpis», stvoranaja na bazie Respublikanskaha centra dziciačaj ankałohii i hiematałohii ŭ 1994 hodzie. U Viciebsku, Mahilovie, Homieli, Pinsku i Słonimie taksama jość arhanizacyi, jakija akazvajuć sacyjalnuju i psichałahičnuju padtrymku bieznadziejna chvorym dzieciam.
«Ja liču, što my dastatkova šyroka prasunulisia ŭ vyrašeńni prablem palijatyŭnaj dapamohi», — zajaviŭ pieršy namieśnik ministra. Pavodle jaho słoŭ, u pierśpiektyvie płanujecca adkryć struktury dziciačaha chośpisa va ŭsich rehijonach Biełarusi. Hetyja struktury buduć stvaracca razam z hramadskimi arhanizacyjami, adznačyŭ Pinievič.
Dyrektar Biełaruskaha dziciačaha chośpisa Hanna Harčakova taksama padkreśliła važnaść supracoŭnictva hramadskich arhanizacyj i dziaržavy ŭ śfiery arhanizacyi palijatyŭnaj dapamohi. Kali hramadskija arhanizacyi adroźnivajucca mabilnaściu, łabilnaściu, indyvidualnym padychodam, to dziaržaŭnyja ŭstanovy — stabilnaściu, prafiesijanalnaściu, peŭnym standartam akazańnia pasłuh. Harčakova pryviała ŭ prykład Vialikabrytaniju, dzie ŭsie dziciačyja chośpisy źjaŭlajucca hramadskimi, ale atrymlivajuć da 30% datacyj dziaržavy.
