paviedamiŭ žurnalistam kiraŭnik hetaha viedamstva Aleh Kačan paśla adkryćcia vystavy «Turbiźnies-2011» 26 kastryčnika ŭ Minsku.
Pavodle jaho słoŭ, heta pytańnie zaraz abmiarkoŭvajecca z zacikaŭlenymi viedamstvami, u pryvatnaści ź Ministerstvam handlu. Adnak Kačan nie zmoh adkazać na pytańnie, ci budzie pryniaty adpaviedny narmatyŭna-pravavy akt u nastupnym hodzie. «My pracujem u hetym kirunku», — skazaŭ jon.
Ministr zaznačyŭ, što sistemu taks-fry ŭžo paśpiachova ŭviali ŭ Litvie, jakaja źjaŭlajecca susiedkaj Biełarusi.
«Čamu ž my nie možam heta zrabić? Inšaziemcy z zadavalnieńniem jeduć u krainu, usie chočuć atrymać skidki pry vyvazie tavaraŭ»,
— skazaŭ kiraŭnik Minsportu.
Pra padrychtoŭku narmatyŭnaha akta ab uviadzieńni sistemy taks-fry taksama kazaŭ ministr handlu Valancin Čakanaŭ. U hutarcy z žurnalistami 4 kastryčnika jon zaznačyŭ: «U nas jość takaja nieabchodnaść, kab zamiežnyja turysty pakidali bolš hrošaj u Biełarusi», — skazaŭ ministr, dadaŭšy, što adpaviednaja prapanova ŭniesiena va ŭrad i «zaraz vyvučajecca». Nazvać terminy ŭviadzieńnia sistemy taks-fry jon taksama nie zmoh. Taks-fry — mižnarodnaja prahrama kampanii Global Refund, jakaja dazvalaje atrymlivać hrašovuju kampiensacyju PDK. što ŭvachodzić u košt kuplenaha za miažoj tavaru. Pasłuhami kampanii štodzionna karystajucca zvyš 22 tysiač čałaviek va ŭsim śviecie. Kožny, chto viartajecca z-za miažy z pakupkami, zroblenymi ŭ mahazinach taks-fry, maje prava na hrašovuju kampiensacyju sumy padatkaŭ, vypłačanaj za nabytyja tavary. U siarednim, u zaležnaści ad padatkovaha zakanadaŭstva krainy znachodžańnia, suma, jakuju viartajuć, składaje ad 10 da 20% ad koštu tavaru. Hetyja hrošy možna atrymać pry prachodžańni mytnaha kantrolu, pakidajučy krainu znachodžańnia.
Anastasija Janušeŭskaja, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
