Alaksandr Łukašenka 25 kastryčnika padpisaŭ ukaz № 487 «Ab mierapryjemstvach, pryśviečanych 130-hodździu z dnia naradžeńnia Janki Kupały i Jakuba Kołasa».
Dakumient padpisany «ŭ metach arhanizacyi hodnaha śviatkavańnia jubileju kłasikaŭ biełaruskaj litaratury», paviedamlaje pres-słužba kiraŭnika dziaržavy.
Ukazam zaćvierdžany skład respublikanskaha arhanizacyjnaha kamiteta pa praviadzieńni mierapryjemstvaŭ, pryśviečanych 130-hodździu z dnia naradžeńnia Janki Kupały i Jakuba Kołasa, i płan mierapryjemstvaŭ da hetaha jubileju.
Płanam praduhledžany praviadzieńnie ŭ krainie i za jaje miežami pryśviečanych jubileju śviatočnych mierapryjemstvaŭ, stvareńnie tematyčnych litaraturna-mastackich publicystyčnych prahram na telebačańni i radyjo, vydańnie knih piśmieńnikaŭ i litaratury pra ich žyćcio i tvorčaść. Taksama zapłanavana praviadzieńnie respublikanskich śviat paezii, dobraŭparadkavańnie terytoryj historyka-kulturnych abjektaŭ, źviazanych z žyćciom i tvorčaściu Janki Kupały i Jakuba Kołasa, praviadzieńnie kapitalnaha ramontu budynkaŭ dziaržaŭnych litaraturnych muziejaŭ i inšyja mierapryjemstvy.
Jak zajaviŭ Łukašenka 25 kastryčnika na sustrečy z členami hramadskaha abjadnańnia «Sajuz piśmieńnikaŭ Biełarusi», śviatkavańnie 130-hodździa Janki Kupały i Jakuba Kołasa pavinna stać mahutnym srodkam abudžeńnia hramadskaj cikavaści da nacyjanalnaj litaratury i kultury. «Adznačyć jaho treba biez zališniaj pompy, ale hodna», — skazaŭ Łukašenka
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH