Kiraŭnik Kazachstana Nursułtan Nazarbajeŭ praciahnuŭ abmierkavańnie stvareńnia Jeŭrazijskaha sajuza ŭ haziecie «Iźviestija», paviedamlaje Hazieta.ru. Raniej vydańnie apublikavała artykuł Uładzimira Pucina i adkaz jamu Alaksandra Łukašenki.
Svaju kałonku Nazarbajeŭ pačynaje z uspaminaŭ ab samicie kiraŭnikoŭ postsavieckich dziaržaŭ, jaki prajšoŭ 21 śniežnia 1991. Pry hetym jon padkreślivaje, što sustreča prajšła pa jaho «nastojlivaj inicyjatyvie» i zmahła spynić «niebiaśpiečny praces chaatyčnaha raspadu źnikajučaj supierdziaržavy».
Pa słovach prezidenta Kazachstana, jon jašče ŭ pačatku 90-ch prapanavaŭ prahramu zbližeńnia krain postsavieckaj prastory. Intehracyja, na dumku Nazarbajeva, pavinna adkazvać čatyrom asnoŭnym kryteram: «ekanamičny prahmatyzm», «dobraachvotnaść intehracyi», «pryncyp roŭnaści, nieŭmiašańnia va ŭnutranyja spravy adzin adnaho, pavahi suvierenitetu i niedatykalnaści dziaržaŭnych miežaŭ», a taksama stvareńnie «nadnacyjanalnych orhanaŭ Jeŭrazijskaha Sajuza».
Vykanaŭčyja orhany Jeŭrazijskaj ekanamičnaj prastory Nazarbajeŭ prapanuje raźmiaścić u Astanie — «u znak udziačnaści Kazachstanu jak inicyjataru idei jeŭrazijskaj intehracyi».
