Viertykal maje prava nabyvać kanfiskat za paŭcany.
Dla prodažu «svaim» vybirajuć jakasnyja aŭtamabili.
Možna aznajomicca z prajs-listom. Ale fizičnym asobam — tolki aznajomicca.
Takich aŭto čynoŭnikam nie treba.
Va Uruččy, na ŭskrajku Minska, faktyčna ŭ lesie schavałasia aŭtastajanka, dzie pradajucca kanfiskavanyja aŭto. Stajanka dzielicca na dźvie častki. Na pieršaj sabrana aŭtałamačča. A voś u druhoj častcy stajać zajzdrosnyja aŭto: čornyja «bumiery» Ch5, «aŭdziuchi» dy «volvy». «Transpartnyja srodki dla dalejšych prapanoŭ u adpaviednaści z zajaŭkami dziaržaŭnych orhanaŭ i dziaržaŭnych arhanizacyj»,— ździŭlena čytaju, pieravodziačy vočy sa słoŭ «dziaržaŭnyja orhany» na šykoŭnyja «bumiery», i kirujusia da śpiecyjalistaŭ pa prodažy.
— A voś hetyja mašyny, jakija nibyta dla…
— Nie nibyta, a — dla!
— Kali hetyja mašyny doŭha pastajać i nichto z «dla» imi nie zacikavicca, jany mohuć być vystaŭlenyja na prodaž dla prostych ludziej?
— Takoje nie časta zdarajecca, ale byvaje, što jany pierachodziać u svabodny prodaž.
— A jak hety momant možna złavić?
— Čakać, chadzić, hladzieć, bo my i sami nie viedajem, kali heta adbudziecca. Heta rašeńnie prymajecca ŭ vyšejstajačaj arhanizacyi.
— A pakolki vy naležycie Upraŭleńniu spravami, to heta adtul idzie?
— Nu, hruba kažučy — tak.
— A košt mianiajecca, kali mašyna pierachodzić adtul siudy?
— Kali mašyny vychodziać adtul, to ceny, u pryncypie, zastajucca tyja ž. Darečy, tyja mašyny, jakija daŭno stajać, na ich ceny ŭžo pamianialisia — acenienyja jany byli pa inšym kursie jeŭra i zaraz «daacanili» da realnaha kursa. U dva razy mašyny, faktyčna, daražejšyja stali. Aceńvajucca jany
Ceny na aŭto za dvajnym płotam visiać navidavoku. Da prykładu, BMW X5 2008 hoda siońnia kaštuje 254 miljony 545 tysiač 200 rubloŭ. Pavodle ciapierašniaha kursa Nacbanka atrymlivajecca, što hetaje aŭto abyjdziecca dziaržustanovie ŭ 21 400 jeŭra. Darečy, dakładna taki ž «bumier» na rynku kaštuje kala 40 tysiač jeŭra, piša karespandent Jeŭraradyjo.
Zastajecca pytańnie, navošta takija mašyny čynoŭnikam dziaržorhanaŭ.
