Dziki vybiahajuć na darohu — pad Baranavičami dva DTZ u adzin dzień 5

U Baranavickim rajonie 23 kastryčnika adbylisia dva DTZ z-za dzikoŭ, jakija raptoŭna vybiehli na darohu.

Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, abiedźvie avaryi zafiksavanyja na trasie Brest — Minsk — hranica RF.

Pieršaje DTZ adbyłosia ŭ 18.45 prykładna za 10 km ad Baranavičaŭ. Pierad aŭtamabilem «Mazda-6», za rulom jakoha znachodziŭsia 45-hadovy žychar Bresta,

na darohu vybiehła niekalki dzikoŭ. Na adnaho ź ich kiroŭca najechaŭ.

Druhaja avaryja zarehistravanaja prykładna ŭ 22.00 na 183-m km niedaloka ad miažy Baranavickaha i Ivacevickaha rajonaŭ. Dzik raptoŭna vybieh na darohu pierad aŭtamabilem «Opiel-Viektra», jakim kiravaŭ 49-hadovy bieraściejec.

U abodvuch DTZ kiroŭcy nie paciarpieli. Aŭtamabili atrymali miechaničnyja paškodžańni.

Žyvioły ŭ vyniku najezdaŭ zahinuli na miescy.

«Na darohach Bresckaj vobłaści z pačatku hoda adbyłosia piać DTZ z udziełam dzikich žyvioł (u troch vypadkach łasi, u dvuch — dziki). Ludzi nie paciarpieli», — skazała Sacharčuk.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH