Akcyja salidarnaści z palitviaźniami, 24 kastryčnika, Minsk.
19.35
Udzielniki akcyi razychodziacca.
19.27
Parfiankoŭ źjechaŭ z Kastryčnickaj na haradskim aŭtobusie. Razam ź im ŭ aŭtobus sieła adna asoba ŭ cyvilnym.
Na płoščy kala piatnaccaci ŭdzielnikaŭ. Jany stajać dźviuma nievialikimi hrupami. Nijakaj atrybutyki, nijakich łozunhaŭ.
19.21
Jak i ŭ časie piatničnaj akcyi, nie pracujuć sajty svaboda.org, belaruspartisan.org i charter97.org.
19.18
Pierad žurnalistami pasprabavaŭ vystupić były palitviazień VasilParfiankoŭ. Adnak pałkoŭnik Jaŭsiejeŭ advioŭ jaho za łokać u bok i nastojliva paraiŭ iści damoŭ. Jon pajšoŭ u mietro ŭ atačeńni «cicharoŭ». Uśled kinulisia fotareparciory.
19.14
Na płoščy kala dziesiaci ŭdzielnikaŭ akcyi salidarnaści. Bolšaść ź ich sabrałasia kala Aleny Lichavid.
19.11
Maci Mikity Lichavida zajaŭlaje žurnalistam, što kali navat adzin čałaviek budzie vychodzić na płošču, heta budzie pośpiech. Pałkoŭnik Jaŭsiejeŭ papiaredžvaje žančynu pra administracyjnuju adkaznaść za ŭdzieł u niesankcyjanavanaj akcyi i prosić pakinuć płošču.
19.08
Milicyjanty zatrymali i pasadzili ŭ aŭto Maksima Viniarskaha, adnaho z arhanizataraŭ akcyi.
19.00
Na płoščy spakojna. Źjavilisia niekalki hrup maładych ludziej. Jany stajać moŭčki, u centry płoščy nie vychodziać. Tym časam na akcyju pryjšło kala troch dziasiatkaŭ žurnalistaŭ.
18.55
Na Kastryčnickaj pakul sabralisia tolki žurnalisty i supracoŭniki milicyja. Śpiecnazaŭcy pasprabavali vyvieści hrupu reparcioraŭ u mietro «dla pravierki rečaŭ». Niekatorych žurnalistaŭ praviarajuć na płoščy kala ŭvachodu ŭ padziemku.
* * *
Nahadajem, što hramadzianskaja kampanija «Jeŭrapiejskaja Biełaruś» zajaviła pra praviadzieńnie 24 kastryčnika čarhovaj akcyi padtrymki palitviaźniaŭ. Jana zapłanavanaja na 19.00 na Kastryčnickaj płoščy stalicy.
Apošniaja akcyja padtrymki ŭ Minsku adbyłasia 21 kastryčnika i sabrała niekalki dziasiatkaŭ udzielnikaŭ. Milicyjanty ŭ cyvilnym zatrymali aktyvista «Jeŭrapiejskaj Biełarusi» Alaksandra Vałanceviča.
