U Mahilovie ŭ akno žyłoha doma kinuli vybuchovy pakiet 3
Vybuchovaj chvalaj vybityja šyby ŭ abodvuch pakojach i paškodžana łodžyja.
U Mahilovie ŭ łodžyi kvatery 45-hadovaj žančyny adbyŭsia vybuch. Achviar i paciarpiełych niama. Kvatery naniesieny značny ŭron.
Jak paviedamili ŭ pres-słužbie UUS Mahiloŭskaha abłvykankama, vybuch zdaryŭsia ŭviečary 21 kastryčnika ŭ dvuchpakajovaj kvatery na Viciebskim praśpiekcie. U łodžyju byŭ zakinuty vybuchovy pakiet.
U Kastryčnickim RAUS Mahilova skazali, što padčas vybuchu ŭ kvatery znachodzilisia ludzi, ale dziakujučy tamu, što bałkonnyja dźviery byli začynienyja, nichto nie paciarpieŭ.
Tym nie mienš vybuchovaj chvalaj byli vybity vokny ŭ abodvuch pakojach i paškodžana łodžyja.
U ździajśnieńni chulihanskich dziejańniaŭ padazrajecca 62-hadovy piensijanier, mahiloviec, raniej sudzimy za vymahalnictva i pahrozu zabojstvam. Mužčyna zatrymany, zaviedziena kryminalnaja sprava pa artykule «Chulihanstva».
Pakul nie ŭstanoŭlena, z čaho składałasia vybuchovaje prystasavańnie. Matyvy złačynstva vyśviatlajucca.