Rasija chacieła b nabyć «Naftan-Palimir» 8

Minenierha RF raźličvaje na aktyvizacyju supracoŭnictva ŭ enierhietycy pamiž rasijskimi i biełaruskimi kampanijami, u tym liku pa pytańni kupli biełaruskaha naftachimičnaha kompleksu «Naftan-Palimir»,

paviedamiŭ žurnalistam u Maskvie namieśnik kiraŭnika ministerstva Anatol Janoŭski.

«Padziei apošniaha hoda, u tym liku farmiravańnie Adzinaj ekanamičnaj prastory i Mytnaha sajuza, stvaryli pieradumovy dla taho, kab naša enierhietyčnaje supracoŭnictva jašče bolš aktyvizavałasia», — skazaŭ Janoŭski, adkazvajučy na pytańnie ab chodzie pieramoŭ ź Biełaruśsiu pa ŭvachodžańni rasijskich kampanij u kapitał biełaruskich pradpryjemstvaŭ.

«Pa „Naftan-Palimiry“ jość prapanovy», — cytuje Janoŭskaha RIA Novosti.

Raniej ułady Biełarusi zajaŭlali pra płany pryvatyzavać «Naftan-Palimir», adzin z najbujniejšych naftachimičnych kompleksaŭ u SND i va Uschodniaj Jeŭropie, stvorany ŭ listapadzie 2008 hoda šlacham źlićcia pradpryjemstvaŭ «Palimir» i «Naftan». Alaksandr Łukašenka aceńvaŭ «Naftan-Palimir» u 3 młrd. dołaraŭ, a pieršy vice-premjer Uładzimir Siamaška adznačaŭ u kancy studzienia źnižeńnie cikavaści da pradpryjemstva z boku rasijskich kampanij «Rasnafta» i «Łukojł».

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH