Babrujskija ratavalniki dastali novanarodžanaha z pamyjnaj jamy hramadskaj prybiralni na stancyi Ciałuša.
Jak paviedamili ŭ pres-słužbie MNS Biełarusi, paviedamleńnie ab tym, što ŭ pamyjnaj jamie prybiralni znojdziena niemaŭla, pastupiła ŭ Babrujski haradździeł pa nadzvyčajnych situacyjach 23 kastryčnika ŭ 19.30. Padčas abchodu terytoryi načalnik stancyi ŭ prybiralni znajšoŭ dzicia, jakoje płakała. Kab dastać małoha ź jamy, ratavalniki raźbili bietonnuju padłohu prybiralni. Dzicia było pieradadziena bryhadzie chutkaj miedycynskaj dapamohi.
Pavodle słoŭ miedykaŭ, dzicia danošanaje, važyć 3.180 hramaŭ. Jano špitalizavana ŭ Babrujski raddom.
Razam ź dziciem špitalizavana i maci. Jak paviedamili BiełaPAN u pres-słužbie UUS na transparcie, jaje milicyjaniery znajšli na samoj stancyi. Maładaja žančyna pa ŭsich prykmietach nahadvała paradzichu: była blednaj, niervovaj, adzieńnie vypackana kryvioj.
Pavodle jaje słoŭ, jana nie viedała, što była ciažarnaja. Na stancyi adčuła bol u žyvacie, pajšła ŭ prybiralniu, dzie ŭ jaje pačaŭsia mocny kryvaciok. Taho, što jana naradziła, žančyna, pavodle jaje słoŭ, nie zrazumieła.
Rabotniki UUS na transparcie pravodziać razbor pa hetym fakcie.
