24 kastryčnika na sajcie HUUS Minharvykankama raźmieščany videazvarot da arhanizataraŭ niesankcyjanavanych akcyj i ich patencyjalnych udzielnikaŭ namieśnika načalnika HUUS — načalnika milicyi hramadskaj biaśpieki Ihara Jaŭsiejeva.
Jon zajaviŭ, što «tyja, chto zaklikaje da ŭdziełu ŭ niesankcyjanavanych akcyjach, i ich udzielniki buduć pryciahvacca da administracyjnaj adkaznaści, a ŭ vyklučnych vypadkach, dzie jość dziejańni, jakija hruba parušajuć hramadski paradak, — kryminalnaj adkaznaści».
U adpaviednaści z Kodeksam ab administracyjnych pravaparušeńniach parušalnikam pahražaje štraf abo administracyjny aryšt. Kryminalny kodeks za arhanizacyju i padrychtoŭku dziejańniaŭ, jakija hruba parušajuć hramadski paradak, abo aktyŭny ŭdzieł u ich praduhledžvaje pakarańnie až da pazbaŭleńnia voli na termin da troch hadoŭ.
Pavodle słoŭ Jaŭsiejeva,
«minskaja milicyja nacelena na spynieńnie niesankcyjanavanych akcyj i hatova vykanać svaje słužbovyja abaviazki».
Namieśnik načalnika HUUS nahadaŭ, što ŭ stalicy vyznačany miescy, dzie dazvolena pravodzić masavyja mierapryjemstvy, i jość miescy, u tym liku Kastryčnickaja płošča, płošča Pieramohi, Niezaležnaści, dzie masavyja mierapryjemstvy zabaronieny.
«Usie parušeńni nami dakumientujucca, viadziecca videa- i aŭdyjozapis, i heta potym źjaŭlajecca dokaznaj bazaj pry razhladzie administracyjnych pravaparušeńniaŭ», — skazaŭ Jaŭsiejeŭ.
