Košt prajezdu ŭ hramadskim transparcie Minska płanujecca pavialičyć z 1 listapada da 1 300 rubloŭ. Ab hetym paviedamiŭ siońnia na apieratyŭnaj naradzie ŭ Minharvykankamie dyrektar «Staličnaha transparta i suviazi» Valeryj Škurataŭ, paviedamlaje BIEŁTA.
«My padrychtavali abhruntavańnie nieabchodnaści pavyšeńnia taryfaŭ da hetaha ŭzroŭniu. Miarkuju, ciaham tydnia takoje rašeńnie Minharvykankam prymie, zatym jano pavinna prajści ŭzhadnieńnie ŭ Ministerstvie ekanomiki i ekśpiertyzu ŭ Miniuście.
Raniej, čym 1 listapada, my nie zmožam heta zrabić»,— adznačyŭ Valeryj Škurataŭ.
Košt prajezdu na maršrutach, jakija ažyćciaŭlajucca pryvatnymi pieravozčykami,
składzie kala 4 500.
Nahadajem, što da kanca hoda płanujecca košt prajezdu ŭ hramadskim transparcie padniać da 1850 rubloŭ.
Zaraz adzin tałončyk kaštuje 950 rubloŭ, apošni raz daražaŭ 10 vieraśnia z 900 rubloŭ.