Pamiaci Mikałaja Ściepasiuka

Biełaruskaja sacyjał-demakratyčnaja partyja (Hramada) z hłybokim smutkam paviedamlaje, što 22 kastryčnika na 72-m hodzie žyćcia pamior vieteran sacyjał-demakratyčnaha ruchu ŭ Biełarusi Mikałaj Ściepasiuk.

Mikałaj Mikitavič pryjšoŭ u demakratyčny ruch u hady pierabudovy. U sakaviku 1991 hoda jon byŭ udzielnikam Ustanoŭčaha źjezdu Biełaruskaj sacyjał-demakratyčnaj Hramady.

Mikałaj Mikitavič aktyŭna pracavaŭ u Lidskaj haradskoj i Hrodzienskaj abłasnoj partyjnych arhanizacyjach, nieadnarazova byŭ delehatam na partyjnyja źjezdy, braŭ udzieł ŭ kulturnym žyćci svajho kraju, u pracy Tavarystva biełaruskaj movy imia Franciška Skaryny.

Biełaruskaja sacyjał-demakratyčnyja partyja vykazvaje hłybokaje spačuvańnie rodnym i blizkim Mikałaja Ściepasiuka, jaho siabram i tavaryšam. Asablivyja našy spačuvańni žoncy Mikałaja Mikitaviča Halinie Ivanaŭnie i dočkam Nadziei Mikałajeŭnie i Śviatłanie Mikałajeŭnie.

Śvietłaja pamiać pra Mikałaja Mikitaviča, ščyraha pracaŭnika, ścipłaha čałavieka, pryncypovaha prychilnika demakratyčnych kaštoŭnaściaŭ i nadziejnaha tavaryša, zaŭsiody zachavajecca ŭ našych sercach, u sercach usich, chto jaho viedaŭ.

***

Hrodzienskaja abłasnaja i Lidskaja haradskaja arhanizacyi Biełaruskaj sacyjał-demakratyčnaj partyi (Hramady) smutkujuć z pryčyny śmierci adnaho z najstarejšych udzielnikaŭ sacyjał-demakratyčnaha ruchu ŭ Biełarusi, delehata Ustanoŭčaha źjezdu partyi Mikałaja Mikitaviča Ściepasiuka i vykazvajuć ščyryja spačuvańni jaho rodnym i blizkim.

Raźvitańnie ź Mikałajem Ściepasiukom pačniecca, a 10-j hadzinie 25 kastryčnika ŭ rytualnaj zale pa vuł. Siamaški, 9 (9-ja minskaja haradskaja balnica).

0

0

0

0

0

0

Anatol Sidarevič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH