U kastryčniku ŭ Śvietłahorsku pačalisia raboty pa budaŭnictvie ladovaha pałaca na 500 miescaŭ.
Jak paviedamiŭ načalnik adździeła fizičnaj kultury, sportu i turyzmu Śvietłahorskaha rajvykankama Mikałaj Pałujan, uźviadzieńnie ladovaha pałaca — heta pieršy etap budaŭnictva Centra hulniavych vidaŭ sportu. "Centr budzie składacca ź ladovaha pałaca, zały dla hulniavych vidaŭ sportu, basiejna, hatela i stajanki. Budoŭla maštabnaja, tamu pravodzicca ŭ niekalki etapaŭ", — udakładniŭ Pałujan.
Pavodle jaho słoŭ,
budaŭnictva poŭnaściu idzie za košt sponsarskich srodkaŭ.Na ŭźviadzieńnie Centra hulniavych vidaŭ sportu nieabchodna nie mienš jak 56 młrd. rubloŭ. Na hetym etapie sponsaram vystupaje VA "Biełarusnafta", jakoje ŭžo vydzieliła 4 młrd. rubloŭ na pačatak budaŭnictva ladovaha pałaca.
U Śvietłahorskim rajonie jość siem spartyŭnych škoł. "Ale takoha abjekta ŭ nas niama, dzie dzieci mohuć zajmacca chakiejem, fihurnym katańniem, šort-trekam, kańkabiežnym sportam. U nas jość adzinaje ŭ vobłaści adździaleńnie kańkabiežnaha sportu, i nam ciažka raźvivać hety vid sportu, tamu što niama adpaviednaha budynka", — dadaŭ načalnik adździeła.
Jon nie sumniavajecca, što ladovy kompleks budzie zapatrabavany."U nas jość amatarskija chakiejnyja kamandy, jakija jeździać hulać u Žłobin. Upeŭnieny, u nas budzie dastatkova dziaciej dla kamplektavańnia hrup", — miarkuje Pałujan.
Adnak u rajcentry pakul zastajecca niavyrašanym pytańnie z budaŭnictvam viaślarnaj bazy ź viaślarnym kanałam. "Źbiralisia budavać, užo pačali raspracoŭvać prajektna-kaštarysnuju dakumientacyju, ale pakul usio heta zamaroziłasia. Budaŭnictva miełasia być pa linii Nacyjanalnaha banka (biełaruskuju fiederacyju viesłavańnia ŭznačalvaje były staršynia Nacbanka Piotr Prakapovič. — BiełaPAN.), jaki pavinien byŭ finansavać hetu budoŭlu, ale pakul my nie raspracoŭvajem prajektna-kaštarysnuju dakumientacyju", — zaznačyŭ surazmoŭca.
Jon nahadaŭ, što ŭ Śvietłahorsku vialikija tradycyi viesłavańnia akademičnaha, tut jašče ŭ byłyja časy treniravałasia zbornaja SSSR.
Pavodle aficyjnych źviestak, Homielskaja vobłaść pa vynikach 9 miesiacaŭ nie vykanała zadańnie pa budaŭnictvie žylla — uviedziena ŭ stroj 61,8% ad zapłanavanaha abjomu.
