Čarha na adnoj ź minsikch AZS. Fota forum.onliner.by
21 kastyčnika ŭ internecie źjaviłasia infarmacyja pra mahčymaje čarhovaje padaražańnie paliva na zapraŭkach. Uviečary źjavilisia i ličby. I forum partała Onliner.by, i hrodzienski błoh s13.ru padajuć adnolkavyja ličby, zhodna jakich cana na paliva ŭ bližejšy čas moža vyraści na 40-45%. Raniej, pierad čarhovym rostam cen na paliva, na hetych resursach źjaŭlałasia infarmacyja pra padaražańnie, jakaja paśla biespamyłkova paćviardžałasia.
Atrymać kamientar «Biełnafatachima» ciaham viečara nie ŭdałosia — telefon pres-słužby nie adkazvaje. Paćvierdzić infarmacyju pra mahčymaje padaražańnie paliva ŭdałosia na niekalkich aŭtazapraŭkach Minska i rehijonaŭ.
U Minsku na AZS u piatnicu ŭviečary sabralisia čerhi. Ludzi zapraŭlali poŭny bak, sioj-toj liŭ i ŭ kanistry.
Siońniašniaja situacyja nahadvaje historyju z apošnim padaražańniem paliva. U minułuju piatnicu ŭ internecie taksama źjaviłasia nieaficyjnaja infarmacyja, na zapraŭkach pačali źbiracca čerhi. Pry hetym telefony pres-słužby «Biełnafatachima» taksama maŭčali. Padaražańnie adbyłasia ŭ niadzielu 16 kastryčnika. Tym razam paliva vyrasła ŭ canie na 3-5%.
