Ziamielnymi ŭčastkami ŭ Minskaj vobłaści da novaha hoda zabiaśpiečać usich, chto maje ŭ ich patrebu. Takoje daručeńnie na pasiadžeńni Minabłvykankama daŭ kiraŭnik staličnaha rehijonu Barys Batura.
Pryčym pierad ziemleŭparadčykami i paśsielvykankamami staić zadača nie zadziejničać voryŭnyja ziemli, a maksimalna vykarystoŭvać isnujučyja nasielenyja punkty i prylehłuju da ich terytoryju, što daść mahčymaść skaracić raschody na stvareńnie infrastruktury.
Jak paviedamiŭ načalnik abłasnoj ziemleŭparadkavalnaj i hieadezičnaj słužby Hienadź Pliskoŭski,
u Minskaj vobłaści žadajuć atrymać učastak 37 tys. čałaviek, ź jakich 33 tys. naležać da katehoryi tych, chto maje patrebu ŭ palapšeńni žyllovych umoŭ.Užo pravodzicca advod ziamielnych učastkaŭ dla čarhavikoŭ.
Najbolš prablemny rajon — Minski, dzie na atrymańnie ziamli pretendujuć 24 tys. čałaviek,
sfarmiravana čatyry čarhi.Dla pieršaj i druhoj čerhaŭ (tyja, chto pražyvaje ŭ prystaliččy) raspracoŭvajecca prajektnaja dakumientacyja na ŭčastki płoščaj bolš jak 1,3 tys. ha, što daść mahčymaść zadavolić prykładna 10–11 tys. hramadzian. Treciaja i čaćviortaja čerhi naličvajuć 14 tys. čałaviek — žychary inšych rajonaŭ, abłaściej, minčanie. Dla ich učastki padbirajucca ŭ troch sielsavietach — Rahaŭskim, Juzufoŭskim i Papiarnianskim. Heta terytoryi isnujučych viosak i prylehłyja 20–60 ha.
«Učastki buduć prapanoŭvacca mienavita ŭ hetych sielsavietach niezaležna ad pažadańniaŭ hramadzian. U vypadku admovy jany buduć zdymacca z čarhi. Na siońniašni dzień jość asobnyja sielsaviety, takija, jak Baraŭlanski, Ždanovicki, Kaładziščanski, jakija naličvajuć 3–3,5 tys. žadajučych atrymać učastki. Kab zadavolić hetyja patrebnaści, treba razdać usiu ziamlu. U cełym, kab zadavolić usich žadajučych, treba vydzielić pad indyvidualnaje budaŭnictva 2,5 tys. ha», — adznačyŭ staršynia Minskaha rajvykankama Piotr Jarmaš.
