Hałoŭny śviedka sproby padpału kijoska «Biełsajuzdruk» u Viciebsku ŭ 2004 hodzie zajaviŭ 13 kastryčnika ŭ sudzie nad abvinavačanymi ŭ terakcie, što bačyŭ tolki adnaho čałavieka, jaki zakłaŭ vybuchovaje prystasavańnie.
Sproba padpału kijoska inkryminujecca abvinavačanamu ŭ teraryźmie Dźmitryju Kanavałavu.
Pavodle słoŭ Uładzimira Hromava, jaki achoŭvaŭ nočču kamiercyjnyja šapiki kala hazietnaha kijoska, pakiet ź nieviadomym źmieścivam pad dach kijoska, nie ŭzłaziačy na jaho, jak śćviardžali niekatoryja śviedki, a stojačy na raźmieščanaj pobač aharodžy, zakłaŭ adzin chłopiec — chudarlavy i nievysoki. Hetyja antrapamietryčnyja charaktarystyki nieviadomaha jon vyznačyŭ z adlehłaści niekalkich dziasiatkaŭ mietraŭ. Rost samoha Hromava — 182 sm. Rost Kanavałava zaraz prykładna taki ž.
Nahadajem, 10 kastryčnika dva z troch śviedak pa hetym epizodzie, spasyłajučysia na raskaz Hromava, kazali pra dvuch nieviadomych, jakija ŭciakali ŭ bok žyłoha masivu, dzie žyli Kanavałaŭ i druhi padazrony ŭ teraryźmie Uładzisłaŭ Kavaloŭ. Adnym z hetych śviedak byŭ supracoŭnik departamienta achovy MUS. Narad departamienta Hromaŭ spyniŭ paśla taho, jak dastaŭ pakiet
Hromaŭ paviedamiŭ, što
ŭ pakiecie była dvuchlitrovaja płastykavaja butelka z vadkaściu, kołba, płastmasavaja trubka, padobnaja na korpus fłamastara, kitajski hadzińnik. Častki vybuchovaha prystasavańnia byli złučany praz trubku pravadami.Hetyja słovy vyklikali nievialikaje ažyŭleńnie ŭ zale. Adkazvajučy na ŭdakładnialnyja pytańni, Hromaŭ rastłumačyŭ, što razmova idzie ab kroi kurtki, a nie nadpisach na joj, jakija śviedčać ab prynaležnaści da arhanizacyi.Śviedka paviedamiŭ, što
ote>chłopiec, jaki ŭciok, byŭ apranuty ŭ kurtku z kapiušonam — «takija zaraz BRSM nosić».
Śviedka, jaki bačyŭ źmieściva pakieta, spačatku ŭpeŭniena zajaviŭ, što ŭ kitajskim hadzińniku ŭ vyhladzie nievialikaha domika byli tolki dźvie strełki, što jany pakazvali 12.00 i što budzilnik pavinien byŭ spracavać apoŭdni nastupnaha dnia. Adnak potym skazaŭ, što nie bačyŭ, jaki čas pakazvaŭ hadzińnik, a
pra toje, što vybuchovaje prystasavańnie pavinna było spracavać apoŭdni, jamu skazali ŭ milicyi.Rastłumačyć, jak možna vyznačyć čas, na jaki ŭstanoŭleny budzilnik, pry dźviuch strełkach, Hromaŭ nie zdoleŭ. Skazaŭ tolki, što jon byŭ uklučany.
Na dopycie 10 kastryčnika try śviedki, u tym liku dva supracoŭniki milicyi, upeŭniena zajavili: kali vybuchovaje prystasavańnie było znojdziena daloka za poŭnač, spracavać jano pavinna było mienavita apoŭdni nastupnaha dnia.
Na sudovym pasiadžeńni 13 kastryčnika taksama daśledavalisia materyjały, što tyčacca padpału jašče adnaho kijoska «Biełsajuzdruk» ŭ 2004 hodzie ŭ rajonie DBK, dzie žyli Kanavałaŭ i Kavaloŭ. Miarkujučy pa pakazańniach Kavalova, heta zrabiŭ jaho siabar. Vyśvietliłasia, što za heta złačynstva ŭžo byli asudžany dva čałavieki. Adnak paśla raspačynańnia kryminalnaj spravy paśla vybuchu ŭ mietro prysud admianili.
Z materyjałaŭ spravy vynikaje, što vybuchovaje prystasavańnie, znojdzienaje Hromavym, było źniščana ŭ žniŭni 2009 hoda.
