U kožnym abłasnym centry Biełarusi płanujecca stvaryć dziaržaŭnyja reabilitacyjnyja adździaleńni dla ludziej, jakija pakutujuć na ałkahalizm, paviedamiŭ zahadčyk siektara narkałohii Respublikanskaha
Pavodle jaho słoŭ, dziaržaŭnyja reabilitacyjnyja adździaleńni pačali adkryvacca ŭ Biełarusi ŭ apošnija hady, pakul ich nie ŭdałosia stvaryć u Breście i Mahilovie.
Prahrama pa reabilitacyi raźličana na miesiac. Jak paviedamiŭ śpiecyjalist, na pieršym etapie ŭ ałkaholika zdymajecca zapoj, zatym «viadziecca praca pa stvareńni niepieranosnaści ałkaholu». Zadača prahramy, zaznačyŭ Maksimčuk, — «dapamahčy chvoramu na ałkahalizm žyć ćviaroza siarod tych, chto pje», zdoleć adaptavacca da atačeńnia. U adździaleńniach vialikaja ŭvaha nadajecca psichaterapieŭtyčnym i psichałahičnym pryjomam lačeńnia. Aprača taho, da pracy z chvorymi pa mahčymaści pryciahvajucca ludzi, jakija majuć chimčnuju zaležnaść ad ałkaholu abo narkotykaŭ, ale ŭstrymlivajucca ad złoŭžyvańniaŭ dastatkova praciahły termin. Vialikaja ŭvaha nadajecca pracy ź siamjoj: časta navat pry lačeńni svajaki praciahvajuć bačyć u čałavieku «pjanicu, jaki narabiŭ šmat biedaŭ», im nieabchodna rastłumačyć, što imknieńnie chvoraha być ćviarozym varta padtrymać.
Jak zaznačyŭ Maksimčuk, u pierśpiektyvie płanujecca bolš aktyŭna ŭciahvać u pracu pa lačeńni i prafiłaktycy ałkahalizu adpaviednyja hramadskija arhanizacyi, jakich u Biełarusi kala 30. Aprača taho, pry žadańni chvory moža źviarnucca ŭ pryvatnyja centry. Niekatoryja ź ich prapanoŭvajuć praciahłuju prahramu reabilitacyi, raźličanuju na
Jak zaznačyŭ śpiecyjalist, złoŭžyvańniem ličycca spažyvańnie śpirtnych napojaŭ ad piaci razoŭ u miesiac i čaściej. Pa dapamohu da śpiecyjalistaŭ taksama varta źviartacca, kali ŭ suviazi z užyvańniem ałkaholu ŭ čałavieka źmianilisia pavodziny: jon staŭ niaŭvažlivym, nieabaviazkovym, iłžyvym i hetak dalej.
Maksimčuk padkreśliŭ, što hałoŭnaj umovaj paśpiachovaha lačeńnia źjaŭlajecca hatoŭnaść da jaho pacyjenta, uśviedamleńnie im prablemy.
