Hałoŭnaj redaktarcy resursu «Chartyja-97» Natalli Radzinaj, jakaja niadaŭna atrymała palityčny prytułak u Litvie, niaspynna telefanuje niavyznačany abanient. Zvanki pastupajuć na litoŭski mabilny numar na praciahu ŭsiaho dnia 13 kastryčnika, — paviedamiŭ resurs «Chartyja-97». Žurnalistka miarkuje, što telefanavańni iduć praz Skype — numar nie vyznačajecca, a pry sprobie adkazać abanient daje «adboj» i pačynaje znoŭ zvanić.
Redakcyja vykazała mierkavańnie, što
heta pomsta śpiecsłužbaŭ u źviazku ź niadaŭniaj publikacyjaj na sajcie mabilnych telefonaŭ niekatorych supracoŭnikaŭ KDB.
Miž tym, jak vyśvietliłasia, z anałahičnaj prablemaj sutyknulisia karespandentka «Novoj haziety» Iryna Chalip i namieśnica hałoŭnaha redaktara «Narodnaj voli» Maryna Koktyš.
Jak paviedamiła M. Koktyš pres-słužbie BAŽ, jaje pačali «teraryzavać» jašče ŭ kancy minułaha tydnia. Pryčym, pry sprobie vyklučyć mabilny telefanavać pačynajuć na chatni numar.
«Intensiŭnaść zvankoŭ — trojčy na chvilinu.Možna zvarjacieć, — skardzicca žurnalistka. — Jašče ŭ piatnicu ja napisała zajavu ŭ Maskoŭski RUUS, ale jany, nakolki ja viedaju, pakul nie dali joj chodu. Siońnia mnie telefanavaŭ učastkovy i pryznaŭsia, što ŭpieršyniu sutyknuŭsia z takoj prablemaj… Ja ŭžo „pastaviła na vušy“ kampaniju „Velcom“, ale jany nie mohuć zabłakavać telefanavańni z hetaha IP biez sankcyi prakurora…»