Staŭka refinansavańnia Nacyjanalnaha banka Biełarusi z 14 kastryčnika pavyšajecca da 35% hadavych, paviedamili va ŭpraŭleńni infarmacyi Nacbanka.
Adpaviednaja pastanova ad 12 kastryčnika №442 pryniata praŭleńniem Nacbanka. Hetaje rašeńnie źjaŭlajecca čarhovym krokam u paśladoŭnaj realizacyi ahulnaekanamičnaj palityki Nacyjanalnaha banka i ŭrada, nakiravanaj na makraekanamičnuju stabilizacyju, pamianšeńnie cisku na abmienny kurs biełaruskaha rubla i źnižeńnie ŭzroŭniu inflacyi.
Nacyjanalny bank sumiesna z uradam praciahnuć pryniaćcie stabilizacyjnych mier z ulikam raźvićcia źniešnich i ŭnutranych ekanamičnych pracesaŭ, adznačyli va ŭpraŭleńni.
Apošni raz staŭka refinansavańnia pavyšałasia 14 vieraśnia 2011 h. na 3% da 30% hadavych,
a naohuł heta budzie ŭžo dziasiataje z pačatku hoda pavyšeńnie staŭki refinansavańnia.
Raniej jana pavyšałasia 16 sakavika (z 10,5 da 12%), 20 krasavika (da 13%), 18 maja (da 14%), 1 červienia (da 16%), 22 červienia (da 18%), 13 lipienia (da 20%), 17 žniŭnia (da 22%) i 1 vieraśnia (da 27% hadavych) i 14 vieraśnia z 27 da 30%.
