Pa abjomie nastupstvaŭ novy pakiet pieravyšaje «antyrevalucyjny» pakiet 2005 hoda. Na žyćcio ŭsiaho hramadstva paŭpłyvaje nadańnie nadzvyčajnych paŭnamoctvaŭ Kamitetu dziaržaŭnaj biaśpieki.
Zaraz supracoŭniki KDB buduć kančatkova vyviedzienyja(hł. tekst papravak nižej). Dla niedziaržaŭnych arhanizacyj, biezumoŭna, vialikuju niebiaśpieku toić toje, što ad ciapier atrymańnie zamiežnaha finansavańnia budzie razhladacca jak kryminalnaje złačynstva.z-pad kantrolu inšych orhanaŭ i buduć nadzielenyja ŭ zvyčajny čas paŭnamoctvami, charakternymi dla nadzvyčajnaha stanovišča. Naprykład, jany atrymajuć prava ŭryvacca ŭ chaty i ofisy ŭ luby čas dnia i nočy
Dla palityčnaha žyćcia ŭ cełym samaje vyznačalnaje — dalejšaja kryminalizacyja masavych akcyj pratestu.Kanstytucyjnaje prava na svabodu schodu tracić usialaki sens. Va ŭmovach, kali atrymać dazvoł na praviadzieńnie akcyj pratestu ŭ krainie daŭno niemahčyma, pratesty atrymlivajucca faktyčna zabaronienymi jak takija. Kali raniej Biełaruś była padobnaja da Savieckaj Polščy, ciapier jana bolš padobnaj da Savieckaj Rumynii.
Źmieny ŭ zakony pra partyi, hramadskija arhanizacyi i ŭ Kryminalny kodeks užo patajemna pryniatyja. Źmieny ŭ Zakon pra orhany dziaržbiaśpieki ŭniesienyja na razhlad pałaty.Zaŭtra asnoŭnyja pravaabrončyja arhanizacyi majuć vystupić z zajavaj pratestu. Jany buduć patrabavać, kab Alaksandr Łukašenka nie padpisvaŭ papravak, jakija cemientujuć dyktaturu ŭ krainie, adnak mała chto vieryć u pośpiech takoha pratestu.«Novyja normy faktyčna prydajuć zakonny charaktar tym praktykam, jakija byli ŭžytyja ŭ dačynieńni da ŭdzielnikaŭ Płoščy i Alesia Bialackaha», — miarkuje juryst Juryj Čavusaŭ.
Sapraŭdy, ułady prosta ŭzakońvajuć tyja normy, jakija i biez taho ŭžyvali. Ale fakt śpiešnaha, tajamničaha pryniaćcia hetych źmien pakazvaje, što ŭłady bajacca sacyjalnaha vybuchu bolš, čym kaliści, i spadziajucca tolki na represii. Novyja normy jašče bolš addalajuć krainu ad jeŭrapiejskich standartaŭ pravavoj dziaržavy i buduć niehatyŭna ŭspryniatyja patencyjnymi zamiežnymi inviestarami: novaŭviadzieńni robiać kožnaha hramadzianina, u tym liku biznesoŭca, mienš abaronienym.
Voś poŭny tekst uniesienych papravak, a nižej znojdziecie častku papravak u Zakon pra orhany dziaržbiaśpieki.
Prajekt
Uniesieny Savietam Ministraŭ
Respubliki Biełaruś
ZAKON RESPUBLIKI BIEŁARUŚ
Ab uniasieńni dapaŭnieńniaŭ i źmianieńniaŭ u niekatoryja zakony Respubliki Biełaruś
Pryniaty Pałataj pradstaŭnikoŭ
Uchvaleny Savietam Respubliki 3 kastryčnika 2011 h.
Artykuł 1. Unieści ŭ Zakon Respubliki Biełaruś ad 4 kastryčnika 1994 hoda «Ab hramadskich abjadnańniach» u redakcyi Zakona Respubliki Biełaruś ad 19 lipienia 2005 hoda (Viedamasci Viarchoŭnaha Savieta Respubliki Biełaruś, 1994 h., № 29, art. 503; Nacyjanalny rejestr pravavych aktaŭ Respubliki Biełaruś, 2005 h., № 120, 2/1133) nastupnyja dapaŭnieńni:
1. Artykuł 7 dapoŭnić častkaj treciaj nastupnaha źmiestu:
«Dziejnaść hramadskich abjadnańniaŭ, sajuzaŭ, skiravanaja na sadziejničańnie pradstaŭleńniu zamiežnymi dziaržavami hramadzianam Respubliki Biełaruś ilhot i pieravah u suviazi z palityčnymi, relihijnymi pohladami abo nacyjanalnaj prynaležnaściu ŭ parušeńnie zakanadaŭstva, zabaraniajecca».
2. U artykule 21:
paśla častki piataj dapoŭnić artykuł častkaj nastupnaha źmiestu:
«Respublikanskim i miascovym hramadskim abjadnańniam, ich sajuzam zabaraniajecca zachoŭvać hrašovyja srodki, kaštoŭnyja mietały i inšyja kaštoŭnaści ŭ bankach i niabankaŭskich
častki šostuju i siomuju ličyć adpaviedna častkami siomaj i vośmaj.
Artykuł 2. Unieści ŭ artykuł 24 Zakona Respubliki Biełaruś ad 5 kastryčnika 1994 hoda «Ab palityčnych partyjach» u redakcyi Zakona Respubliki Biełaruś ad 19 lipienia 2005 hoda (Viedamasci Viarchoŭnaha Savieta Respubliki Biełaruś, 1994 h., № 30, art. 509; Nacyjanalny rejestr pravavych aktaŭ Respubliki Biełaruś, 2005 h., № 120, 2/1132) nastupnyja źmianieńni i dapaŭnieńni:
u častcy treciaj:
u abzacy druhim słovy «i arhanizacyj» zamianić słovami «zamiežnych arhanizacyj»;
paśla abzaca druhoha dapoŭnić častku abzacami nastupnaha źmiestu:
«arhanizacyj z zamiežnymi inviestycyjami;
arhanizacyj, jakija atrymlivali ciaham hoda, što papiaredničaje dniu ŭniasieńnia achviaravańnia, zamiežnuju biazvypłatnuju dapamohu ad zamiežnych dziaržavaŭ, zamiežnych arhanizacyj, mižnarodnych arhanizacyj, zamiežnych hramadzian i asob biez hramadzianstva, a taksama ad ananimnych achviaradaŭcaŭ, kali atrymanaja hetymi arhanizacyjami zamiežnaja biazvypłatnaja dapamoha nie była imi viernutaja jakija zamiežnym dziaržavam, zamiežnym arhanizacyjam, mižnarodnym arhanizacyjam, zamiežnym hramadzianam i asobam biez hramadzianstva, jakija dali jaje, abo ŭ vypadku niemahčymaści viartańnia nie była pieraličanaja (pieradadzienaja) u dachod dziaržavy da dnia ŭniasieńnia achviaravańnia palityčnaj partyi»;
abzacy treci — šosty ličyć adpaviedna abzacami piatym — vośmym;
častku vośmuju vykłasci ŭ nastupnaj redakcyi:
«Hrašovyja srodki i inšaja majomaść, atrymanyja palityčnymi partyjami, sajuzami i stvoranymi imi jurydyčnymi asobami z krynic, zabaronienych hetym artykułam, pavinnyja być pieradadzienyja ŭ dachod dziaržavy. Pry admovie ad dobraachvotnaj pieradačy hetyja srodki i majomaść spahaniajucca ŭ dachod dziaržavy ŭ sudovym paradku pa zajavie dziaržaŭnych orhanaŭ, jakija ažyćciaŭlajuć dziaržaŭny kantrol za metavym vykarystańniem zamiežnaj biazvypłatnaj dapamohi».
Artykuł 3. Unieści ŭ Kryminalny kodeks Respubliki Biełaruś ad 9 lipienia 1999 hoda (Nacyjanalny rejestr pravavych aktaŭ Respubliki Biełaruś, 1999 h., № 76, 2/50; 2006 h., № 1, 2/1168) nastupnyja źmianieńni i dapaŭnieńni:
1. U abzacy pieršym častki 1 artykuła 293 słova «majomaści» zamianić słovami «majomaści abo».
2. Artykuł 356 vykłasci ŭ nastupnaj redakcyi:
«Artykuł 356. Zdrada dziaržavie
1. Vydača zamiežnaj dziaržavie, zamiežnaj arhanizacyi ci ich pradstaŭniku dziaržaŭnych sakretaŭ Respubliki Biełaruś, a taksama źviestak, jakija źjaŭlajucca dziaržaŭnymi tajamnicami inšych dziaržavaŭ, pieradadzienymi Respublicy Biełaruś u adpaviednaści z zakanadaŭstvam Respubliki Biełaruś, albo špijanaž, albo ahienturnaja dziejnaść, albo pierachod na bok voraha padčas vajny abo ŭzbrojenaha kanfliktu, albo inšaje akazańnie dapamohi zamiežnaj dziaržavie, zamiežnaj arhanizacyi ci ich pradstaŭniku ŭ praviadzieńni dziejnaści na škodu nacyjanalnaj biaśpiecy Respubliki Biełaruś, naŭmysna ździejśnienyja hramadzianinam Respubliki Biełaruś (zdrada dziaržavie), — karajucca pazbaŭleńniem voli na termin ad siami da piatnaccaci hadoŭ.
2. Dziejańni, praduhledžanyja častkaj 1 hetaha artykuła, spałučanyja z zabojstvam, karajucca pazbaŭleńniem voli na termin ad dziesiaci da dvaccaci piaci hadoŭ, abo pažyćciovym źniavoleńniem, abo śmiarotnym pakarańniem z kanfiskacyjaj majomaści abo biez kanfiskacyi.
Zaŭvaha. Asoba, jakaja ŭčyniła dziejańni, praduhledžanyja častkaj 1 hetaha artykuła, a taksama artykułami 3561, 358 i 3581 hetaha Kodeksa, vyzvalajecca ad kryminalnaj adkaznaści, kali jana dobraachvotna zajaviła dziaržaŭnym orhanam ab učynienych joj dziejańniach, spyniła dziejnaść na škodu nacyjanalnaj biaśpiecy Respubliki Biełaruś i akazała sadziejničańnie ŭ praduchileńni škodnych nastupstvaŭ».
3. Dapoŭnić Kodeks artykułam 3561 nastupnaha źmiestu:
«Artykuł 3561. Naładžvańnie supracoŭnictva sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy
Naładžvańnie hramadzianinam Respubliki Biełaruś supracoŭnictva na kanfidencyjnaj asnovie sa śpiecyjalnaj słužbaj, orhanam biaśpieki abo raźviedvalnym orhanam zamiežnaj dziaržavy pry adsutnaści prykmiet zdrady dziaržavie karajecca aryštam na termin da šaści miesiacaŭ abo pazbaŭleńniem voli na termin da dvuch hadoŭ».
4. Artykuł 358 vykłasci ŭ nastupnaj redakcyi:
«Artykuł 358. Špijanaž
Pieradača, vykradańnie, źbirańnie abo zachoŭvańnie z metaj pieradačy zamiežnaj dziaržavie, zamiežnaj arhanizacyi ci ich pradstaŭniku źviestak, jakija źjaŭlajucca dziaržaŭnaj tajamnicaj Respubliki Biełaruś, a taksama źviestak, jakija źjaŭlajucca dziaržaŭnymi tajamnicami inšych dziaržavaŭ, pieradadzienych Respublicy Biełaruś u adpaviednaści z zakanadaŭstvam Respubliki Biełaruś, učynienyja zamiežnym hramadzianinam abo asobaj biez hramadzianstva, karajucca pazbaŭleńniem voli na termin ad siami da piatnaccaci hadoŭ».
5. Dapoŭnić Kodeks artykułam 3581 nastupnaha źmiestu:
«Artykuł 3581. Ahienturnaja dziejnaść
Viarboŭka hramadzianina Respubliki Biełaruś abo inšyja dziejańni, učynienyja zamiežnym hramadzianinam abo asobaj biez hramadzianstva ŭ metach praviadzieńnia dziejnaści na škodu nacyjanalnaj biaśpiecy Respubliki Biełaruś, karajucca pazbaŭleńniem voli na termin ad siami da piatnaccaci hadoŭ».
6. Dapoŭnić Kodeks artykułami 3692 i 3693 nastupnaha źmiestu:
«Artykuł 3692. Atrymańnie zamiežnaj biazvypłatnaj dapamohi ŭ parušeńnie zakanadaŭstva Respubliki Biełaruś
Atrymańnie, a taksama zachoŭvańnie, pieramiaščeńnie zamiežnaj biazvypłatnaj dapamohi dla ažyćciaŭleńnia ekstremisckaj dziejnaści ci inšych dziejańniaŭ, zabaronienych zakanadaŭstvam Respubliki Biełaruś, abo finansavańnia palityčnych partyj, sajuzaŭ (asacyjacyj) palityčnych partyj, padrychtoŭki abo praviadzieńnia vybaraŭ, refierendumaŭ, adklikańnia deputata, člena Savieta Respubliki Nacyjanalnaha schodu Respubliki Biełaruś, arhanizacyi abo praviadzieńnia schodaŭ, mitynhaŭ, vuličnych šeściaŭ, demanstracyj, pikietavańnia, zabastovak, vyrabu abo raspaŭsiudžańnia ahitacyjnych materyjałaŭ, praviadzieńnia sieminaraŭ abo inšych formaŭ palityčnaj i
Artykuł 3693. Parušeńnie paradku arhanizacyi abo praviadzieńnia masavych mierapryjemstvaŭ
Publičnyja zakliki da praviadzieńnia schodu, mitynhu, vuličnaha šeścia, demanstracyi abo pikietavańnia z parušeńniem ustalavanaha paradku ich arhanizacyi abo praviadzieńnia, albo ŭciahvańnie asoby va ŭdzieł u takich masavych mierapryjemstvach šlacham hvałtu, pahrozy prymianieńnia hvałtu, padmanu abo vypłaty ŭznaharody, albo inšaja arhanizacyja abo praviadzieńnie takich masavych mierapryjemstvaŭ, kali ich praviadzieńnie paciahnuła pa nieaściarožnaści hibiel ludziej, učynieńnie ciažkaha cialesnaha paškodžańnia adnoj abo niekalkim asobam abo pryniasieńnie škody ŭ bujnym pamiery pry adsutnaści prykmiet złačynstvaŭ, praduhledžanych artykułami 293 i 342 hetaha Kodeksa, karajucca aryštam na termin da šaści miesiacaŭ, abo abmiežavańniem voli na termin da troch hadoŭ, abo pazbaŭleńniem voli na toj ža termin.
Zaŭvaha. Bujnym pamieram škody ŭ hetym artykule pryznajecca pamier škody, jaki ŭ piaćsot i bolš razoŭ pieravyšaje pamier bazavaj vieličyni, ustalavany na dzień učynieńnia złačynstva».
Artykuł 4. Unieści ŭ artykuł 182
častku 7 paśla ličbaŭ «342," dapoŭnić ličbami «3692,«;
častku 8 paśla ličbaŭ «349 — 355," dapoŭnić ličbami «3693,».
Artykuł 5. Častku čaćviortuju artykuła 481 Vybarčaha kodeksa Respubliki Biełaruś ad 11 lutaha 2000 hoda (Nacyjanalny rejestr pravavych aktaŭ Respubliki Biełaruś, 2000 h., № 25, 2/145; 2010 h., № 5, 2/1649) dapoŭnić punktami 41 i 71 nastupnaha źmiestu:
«41) arhanizacyjam, što atrymlivali ciaham hoda, jaki papiaredničaje dniu ŭniasieńnia achviaravańnia, zamiežnuju biazvypłatnuju dapamohu ad zamiežnych dziaržavaŭ, zamiežnych arhanizacyj, mižnarodnych arhanizacyj, zamiežnych hramadzian i asob biez hramadzianstva, a taksama ad ananimnych achviaradaŭcaŭ, kali atrymanaja hetymi arhanizacyjami zamiežnaja biazvypłatnaja dapamoha nie była imi viernutaja zamiežnym dziaržavam, zamiežnym arhanizacyjam, mižnarodnym arhanizacyjam, zamiežnym hramadzianam i asobam biez hramadzianstva, jakija dali jaje, abo ŭ vypadku niemahčymaści viartańnia nie była pieraličanaja (pieradadzienaja) u dachod dziaržavy da dnia ŭniasieńnia achviaravańni ŭ vybarčyja fondy;
«71) arhanizacyjam, zarehistravanym va ŭstalavanym paradku mienš čym za adzin hod da dnia ŭniasieńnia achviaravańnia».
Artykuł 6. Uniesci ŭ Kodeks Respubliki Biełaruś ab administracyjnych pravaparušeńniach ad 21 krasavika 2003 hoda (Nacyjanalny rejestr pravavych aktaŭ Respubliki Biełaruś, 2003 h., № 63, 2/946; 2010 h., № 300, 2/1750) nastupnyja źmianieńni:
1. U abzacy pieršym častki 2 artykuła 23.23 słovy «na mety, zabaronienyja zakanadaŭstvam," zamianić słovami „ŭ parušeńnie zakanadaŭstva“.
2. Artykuł 23.24 vykłasci ŭ nastupnaj redakcyi:
„Artykuł 23.24. Parušeńnie zakanadaŭstva ab zamiežnaj biazvypłatnaj dapamozie
1. Pradstaŭleńnie zamiežnym hramadzianinam abo asobaj biez hramadzianstva zamiežnaj biazvypłatnaj dapamohi na ažyćciaŭleńnie dziejnaści, zabaronienaj zakanadaŭstvam, ciahnie departacyju z kanfiskacyjaj hetaj dapamohi.
2. Atrymańnie, a taksama zachoŭvańnie, pieramiaščeńnie zamiežnaj biazvypłatnaj dapamohi dla ažyćciaŭleńnia ekstremisckaj dziejnaści ci inšych dziejańniaŭ, zabaronienych zakanadaŭstvam, albo finansavańnia palityčnych partyj, sajuzaŭ (asacyjacyj) palityčnych partyj, padrychtoŭki abo praviadzieńnia vybaraŭ, refierendumaŭ, adklikańnia deputata, člena Savieta Respubliki Nacyjanalnaha schodu Respubliki Biełaruś, arhanizacyi abo praviadzieńnia schodaŭ, mitynhaŭ, vuličnych šeściaŭ, demanstracyj, pikietavańnia, zabastovak, vyrabu abo raspaŭsiudžańnia ahitacyjnych materyjałaŭ, praviadzieńnia sieminaraŭ abo inšych formaŭ palityčnaj i
3. Artykuł 23.34 vykłasci ŭ nastupnaj redakcyi:
„Artykuł 23.34. Parušeńnie paradku arhanizacyi abo praviadzieńnia masavych mierapryjemstvaŭ
1. Parušeńnie ŭstalavanaha paradku praviadzieńnia schodu, mitynhu, vuličnaha šeścia, demanstracyi, pikietavańnia, a taksama publičnyja zakliki da arhanizacyi abo praviadzieńnia schodu, mitynhu, vuličnaha šeścia, demanstracyi, pikietavańnia z parušeńniem ustalavanaha paradku ich arhanizacyi abo praviadzieńnia, kali ŭ hetych dziejańniach niama składu złačynstva, učynienyja ŭdzielnikam takich mierapryjemstvaŭ, ciahnuć papiaredžańnie, abo nakładańnie štrafu ŭ pamiery da tryccaci bazavych vieličyń, abo administracyjny aryšt.
2. Parušeńnie ŭstalavanaha paradku arhanizacyi abo praviadzieńnia schodu, mitynhu, vuličnaha šeścia, demanstracyi, pikietavańnia, a taksama publičnyja zakliki da arhanizacyi abo praviadzieńnia schodu, mitynhu, vuličnaha šeścia, demanstracyi, pikietavańnia z parušeńniem ustalavanaha paradku ich arhanizacyi abo praviadzieńnia, kali ŭ hetych dziejańniach niama składu złačynstva, učynienyja arhanizataram takich mierapryjemstvaŭ, ciahnuć nakładańnie štrafu ŭ pamiery ad dvaccaci da saraka bazavych vieličyń abo administracyjny aryšt.
3. Dziejańni, praduhledžanyja častkami 1 i 2 hetaha artykuła, učynienyja paŭtorna na praciahu adnaho hoda paśla nakładańnia administracyjnaha spahnańnia za takija ž parušeńni, ciahnuć nakładańnie štrafu ŭ pamiery ad dvaccaci da piacidziesiaci bazavych vieličyń abo administracyjny aryšt.
4. Dziejanni, praduhledžanyja častkaj 1 hetaha artykuła, učynienyja za ŭznaharodžańnie, ciahnuć nakładańnie štrafu ŭ pamiery ad tryccaci da piacidziesiaci bazavych vieličyń abo administracyjny aryšt.
5. Dziejanni, praduhledžanyja častkaj 2 hetaha artykuła, jakija supravadžajucca vypłataj uznaharody za ŭdzieł u schodzie, mitynhu, vuličnym šeści, demanstracyi, pikietavańni, ciahnuć nakładańnie štrafu ŭ pamiery ad saraka da piacidziesiaci bazavych vieličyń abo administracyjny aryšt, a na jurydyčnuju asobu — ad dvuchsot piacidziesiaci da piacisot bazavych vieličyń“.
Artykuł 7. Savietu Ministraŭ Respubliki Biełaruś u čatyrochmiesiačny termin pryniać miery, nieabchodnyja dla realizacyi pałažeńniaŭ hetaha Zakona.
Artykuł 8. Hety Zakon ustupaje ŭ siłu praź dziesiać dzion paśla jaho aficyjnaha apublikavańnia.
Prezident Respubliki Biełaruś
* * *
Akazvajecca, jašče 30 vieraśnia Saviet Ministraŭ Biełarusi cicha i nieŭzamietku ŭnios u ajčynny „parłamient“ zakonaprajekt „Ab uniasieńni źmianieńniaŭ i dapaŭnieńniaŭ u Zakon Respubliki Biełaruś“ Ab orhanach dziaržaŭnaj biaśpieki Respubliki Biełaruś», paviedamlaje ŭ svaim błohu chudentsov
Tekst dakumienta tolki siońnia źjaviŭsia na aficyjnym sajcie Nacyjanalnaha centra pravavoj infarmacyi. Cikava, piša chudentsov, što nivodnaje ź dziaržaŭnych ŚMI, što zvyčajna akuratna publikujuć naviny «zakanadaŭstva», hetym razam nie paśpiašałasia paciešyć aŭdytoryju «vydatnaj» inicyjatyvaj Saŭmina.
Paśla znajomstva ź im stanovicca zrazumiełym, čamu aŭtary hetaha zakonaprajekta nie zachacieli jaho šyrokaha abmierkavańnia ŭ srodkach masavaj infarmacyi. Voś tolki niekalki cytat z novaha zakona…
***
art. 16.
… Ab ranieńni abo śmierci asoby z pryčyny prymianieńnia fizičnaj siły, śpiecyjalnych srodkaŭ, bajavoj i śpiecyjalnaj techniki, prymianieńnia (vykarystańnia) zbroi orhanam dziaržaŭnaj biaśpieki nieadkładna paviedamlajecca prakuroru.
Supracoŭnik orhanaŭ dziaržaŭnaj biaśpieki nie niasie adkaznaści za škodu, pryčynienuju ŭ suviazi z prymianieńniem fizičnaj siły,
śpiecyjalnych srodkaŭ, bajavoj i śpiecyjalnaj techniki, užyvańniem (vykarystańniem) zbroi ŭ praduhledžanych hetym Zakonam i inšymi zakanadaŭčymi aktami vypadkach, kali jon dziejničaŭ va ŭmovach abhruntavanaj prafiesijnaj ryzyki. …
* * * :art. 14 «Pravy orhanaŭ dziaržbiaśpieki»
… Uvachodzić bieśpieraškodna pry nieabchodnasci z paškodžańniem ustrojstvaŭ (jakija začyniajucca) i inšych pradmietaŭ, u luby čas sutak u žyłyja pamiaškańni ci inšyja zakonnyja ŭładańni fizičnych asob, u pamiaškanni i (abo) inšyja abjekty dziaržaŭnych orhanaŭ i inšych arhanizacyj(za vyklučeńniem pamiaškańniaŭ i inšych abjektaŭ dypłamatyčnych, konsulskich i inšych pradstaŭnictvaŭ zamiežnych dziaržaŭ, mižnarodnych arhanizacyj, jakija karystajucca ŭ adpaviednaści ź mižnarodnymi dahavorami Respubliki Biełaruś dypłamatyčnym imunitetam, i pamiaškańniaŭ, u jakich pražyvajuć supracoŭniki hetych pradstaŭnictvaŭ, arhanizacyj i ich siem'i) i ahladać ich pry pieraśledavanni asob, jakija padazrajucca ŭ ździajśnieńni złačynstva, albo pry najaŭnaści dastatkovych padstaŭ mierkavać, što jano ździajśniajecca abo ździejśniena złačynstva abo znachodzicca asoba, jakaja schavałasia ad orhanaŭ, jakija viaduć kryminalny praces…
* * *
… Ažyćciaŭlać miery pa zašyfroŭcy supracoŭnikaŭ orhanaŭ dziaržaŭnaj biaśpieki i ich dziejnaści z vykarystańniem u hetych metach śviedčańniaŭ prynaležnaści da dziaržaŭnych orhanaŭ i inšych arhanizacyj, vyrablać i vykarystoŭvać u metach lehiendavańnia asoby supracoŭnika, dziejnaści i pryłady padraździaleńniaŭ orhanaŭ dziaržaŭnaj biaśpieki, ich pamiaškańniaŭ i transpartnych srodkaŭ, praviadzieńnia
* * *
Art. 16–2. Prymianieńnie śpiecsrodkaŭ
… Supracoŭniki orhanaŭ dziaržaŭnaj biaśpieki ŭžyvajuć kajdanki, humovyja pałki, srodki źviazvańnia, śpiecyjalnyja chimičnyja rečyvy, śvietłahukavyja pryłady adciahvajučaha dziejańnia, pryłady dla adkryćcia pamiaškańniaŭ, pryłady dla prymusovaha spynieńnia transpartnych srodkaŭ i inšyja śpiecyjalnyja srodki, u tym liku słužbovych žyvioł, u vypadku:
adbićcia napadu na supracoŭnikaŭ orhanaŭ dziaržaŭnaj biaśpieki ci inšych asob;
vyzvaleńnia zakładnikaŭ;
adbićcia napadu na budynki, pamiaškańni, budynki i (abo) transpartnyja srodki niezaležna ad ich prynaležnaści albo dla vyzvaleńnia zachoplenych abjektaŭ;
strymańnia niepadparadkavańnia abo supracivu zakonnym patrabavańniam supracoŭnikaŭ orhanaŭ dziaržaŭnaj biaśpieki abo inšych asob, jakija vykonvajuć słužbovyja abaviazki ci hramadzianski abaviazak pa zabieśpiačeńni hramadskaha paradku, papiaredžańni i spynieńni złačynstvaŭ i administracyjnych pravaparušeńniaŭ;
zatrymańnia i dastaŭleńnia ŭ orhany dziaržaŭnaj biaśpieki abo orhany ŭnutranych spraŭ padazravanych (abvinavačvanych) u ździajśnieńni złačynstvaŭ asob, u dačynieńni da jakich viadziecca administracyjny praces, kali jany akazvajuć niepadparadkavańnie abo supraciŭ, a taksama kanvairavańnia i ŭtrymańnia asob, padvierhnutych departacyi abo vysyłcy, asob, zatrymanych pa niepasredna ŭźnikłym padazreńni ŭ ździajśnieńni złačynstva, asob, zaklučanych pad vartu, kali jany akazvajuć niepadparadkavańnie abo supraciŭ albo majucca padstavy mierkavać, što jany mohuć ździejśnić ucioki albo pryčynić škodu navakolnym ci sabie;
spynieńnia masavych biesparadkaŭ i hrupavych parušeńniaŭ hramadskaha paradku abo dziejańniaŭ, nakiravanych na paškodžańnie i (abo) źniščeńnie majomaści;
prypynku transpartnaha srodku, vadziciel jakoha nie padparadkoŭvajecca zahadzia vidavočnym dla jaho zakonnym i nieadnarazovym patrabavańniam supracoŭnikaŭ orhanaŭ dziaržaŭnaj biaśpieki ab prypynku transpartnaha srodku;
ŭ inšych vypadkach, vyznačanych Prezidentam Respubliki Biełaruś…
