Sprava pa č. 4 art. 210 Kryminalnaha kodeksa (kradziež šlacham złoŭžyvańnia słužbovymi paŭnamoctvami, ździejśnieny arhanizavanaj hrupaj albo ŭ nadzvyčaj bujnym pamiery) była ŭzbudžanaja 11 Kastryčnika hałoŭnym śledčym upraŭleńniem papiaredniaha rasśledavańnia MUS u dačynieńni da niekalkich pracaŭnikoŭ zavoda aŭtamabilnych ahrehataŭ AAT "MAZ" i hrupy hramadzian.
Usiaho pa spravie prachodziać 10 rabotnikaŭ zavoda i vosiem inšych asob, členaŭ arhanizavanaj złačynnaj hrupy. Kiravaŭ joju adzin z rabotnikaŭ zavoda.
Ustanoŭlena, što hetyja ludzi ad maja 2010 hoda da 29 maja 2011 hoda vykrali majomaści na 540 młn. rubloŭ. U cechu zavoda, haražach i damach fihurantaŭ pry pieratrusie byli vyjaŭlenyja padrychtavanyja da kradziažu i ŭžo vykradzienyja zapčastki nie mienš čym na 1 młrd rubloŭ.
Šeść fihurantaŭ spravy źmieščanyja pad vartu, vosiem znachodziacca pad padpiskaj ab niavyjeździe, dva - u IČU, adzin - u vyšuku.
