Płanujecca, što ŭ Biełarusi pasłuha ekstrakarparalnaha apładnieńnia (EKA) budzie akazvacca tolki žančynam, jakija znachodziacca ŭ aficyjnym šlubie.Pra heta paviedamiła ŭrač adździaleńnia płanavańnia siamji i dapamožnych repraduktyŭnych technałohij RNPC «Maci i dzicia» Łarysa Hrakovič na
Heta praduhledžana zakonaprajektam «Ab dapamožnych repraduktyŭnych technałohijach i harantyjach pravoŭ hramadzian pry ich prymianieńni». Dakumient znachodzicca ŭ parłamiencie, jaho płanujecca pryniać u druhim čytańni na vosieńskaj siesii.
Hrakovič adznačyła, što jak urač ličyć hetu normu ŭ zakonaprajekcie apraŭdanaj. «My pavinny dumać nie tolki ab žadańni žančyny mieć dzicia, ale i ab pravie hetaha dzicia raści ŭ siamji, dzie jość maci i baćka.
Kali my viedajem, što ŭ dziciaci nie budzie poŭnaj siamji, heta, na moj pohlad, niapravilna»,— skazała jana.
Śpiecyjalist padkreśliła, što ŭ vypadku kali žančyna zaciažarvaje samastojna, heta jaje asabistaja sprava — mieć dzicia ŭ šlubie abo nie. Kali ž dla źjaŭleńnia dziciaci na śviet zadziejničany repraduktyŭnyja technałohii, «nieabchodna być na varcie poŭnaj siamji».
Hrakovič paviedamiła, što zaraz padčas EKA ŭ matku pieranosiać dva abo try embryjony (pavodle žadańnia žančyny abo zhodna ź miedycynskimi pakazańniami). Zakonaprajekt ab repraduktyŭnych technałohijach praduhledžvaje ŭžyŭleńnie padčas EKA nie bolš jak dvuch embryjonaŭ. Sutnaść prablemy ŭ tym, što niaredka «ŭ vyniku EKA ŭźnikaje šmatpłodnaja ciažarnaść, jakaja časta maje ŭskładnieńni».
Urač padkreśliła, što efiektyŭnaść prahram ekstrakarparalnaha apładnieńnia ŭ RNPC «Maci i dzicia» supastaŭnaja ź siaredniesuśvietnymi pakazčykami. Pavodle jaje słoŭ, za čatyry hady ŭ RNPC «Maci i dzicia» było realizavana 1,5 tys. prahram EKA, u vyniku čaho naradzilisia 600 dziaciej. Takim čynam, pośpiech dasiahaje 30–40%.