Sprava Kavalova-Kanavałava: Abarona bačyć razychodžańni ŭ antrapamietryčnych danych 2

U sudzie nad Dźmitryjem Kanavałavym i Uładzisłavam Kavalovym pa chadajnictvie advakata apošniaha Stanisłava Abrazieja 12 kastryčnika byli vyvučanyja niekatoryja materyjały, što datyčacca supastaŭnaści asoby i adzieńnia hałoŭnaha abvinavačvanaha ŭ teraryźmie z padazronym, jakoha źniali kamiery videanazirańnia ŭ mietro.

U pryvatnaści, byli prademanstravanyja stop-kadry, źniatyja 11 krasavika ŭ 17.43.59 na stancyi «Frunzienskaja», i śledčaha ekśpierymientu z Kanavałavym na toj ža stancyi. Na pieršym stop-kadry bačny čałaviek z sumkaj u čornym adzieńni, na druhim — Kanavałaŭ z sumkaj taksama ŭ adzieńni čornaha koleru. Abraziej źviarnuŭ uvahu suda na toje, što na pieršym stop-kadry kurtka na padazronym hładka ablahaje cieła, na druhim stop-kadry vidać, što kurtka, u jakuju apranuty Kanavałaŭ, jamu vialikaja. Pry hetym padčas śledčaha ekśpierymientu Kanavałaŭ byŭ apranuty ŭ kurtku, jakuju zabrali ŭ jaho paśla zatrymańnia.

Aryjentujučysia na nieruchomyja pradmiety, peŭnyja linii na stancyi, jakija bačnyja na stop-kadrach,

advakat taksama zrabiŭ vysnovu, što rost čałavieka, źniataha 11 krasavika, nie adpaviadaje rostu Kanavałava ŭ druhim stop-kadry.

Niekatoryja nieadpaviednaści Abraziej vyjaviŭ i ŭ materyjałach, jakija aceńvajuć nakładańnie vyjavaŭ sa stancyi «Frunzienskaja», źniatych 11 krasavika, ź vidarysami, atrymanymi padčas śledčaha ekśpierymientu, kali Kanavałava śpiecyjalna vystaŭlali ŭ tych ci inšych pozach, u jakich znachodziŭsia ŭ toj dzień padazrony na stancyi.

U sudzie było začytana zaklučeńnie Instytuta kryminalistyki FSB Rasii na pradmiet supastaŭnaści asoby i adzieńnia.

Ź jaho vynikaje, što niemahčyma acanić partretnaje padabienstva z Kanavałavym čałavieka, źniataha na stancyjach «Kastryčnickaja», «Kupałaŭskaja» i «Frunzienskaja».

Pry hetym rost padazronaha adpaviadaje rostu Kanavałava. Ahulnymi źjaŭlajucca chudarlavy ciełaskład, sutułaść. Ustanoŭlena poŭnaje supadzieńnie źniešniaha vyhladu pa kolery, tonie, fasonie adzieńnia, vieličyniam. Ekśpierty kanstatavali, što adzieńnie, jakoje zabrali ŭ Kanavałava, mahło być na padazronym, jaki pakazany na zdymkach ź videakamiery.

Paraŭnać asablivaści pavodzin nie źjaviłasia mahčymym. U pryvatnaści, z-za roznaj vahi sumak 11 krasavika i padčas śledčaha ekśpierymientu.

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH