Mahiloŭskija pravaabaroncy Barys Buchiel i Kryścina Šacikava viečaram 10 kastryčnika naviedali škłoŭskuju kałoniju, dzie znachodzicca były kandydat u prezidenty Mikałaj Statkievič. Ich pryniaŭ načalnik kałonii Siarhiej Jermalicki, jaki zapeŭniŭ, što sa Statkievičam usio ŭ paradku.
Nahadajem, raniej paviedamlałasia, što palityk traŭmavaŭ na lesapiłcy ruku i nie moža pracavać. Paviedamlałasia taksama, što jamu vydzielili spalnaje miesca na druhim jarusie, kudy jon nie moža zabracca
Jak adznačyła Šacikava, Jermalicki byŭ nastrojeny «dastatkova ahresiŭna».
«Dziažurny kałonii nam skazaŭ, što Statkievič pracuje jak čornarabočy navat z adnoj rukoj, a druhaja krychu balić.I jon moža lažać u balnicy, ale tam choładna, i adziny varyjant nie zamiarzać, heta
Pavodle jaje słoŭ, Jermalicki admoviŭsia pryniać litaraturu dla turemnaj biblijateki. «Na prapanovu pravieści kulturnaje mierapryjemstva jon skazaŭ, što ŭ ich vielmi časta pravodziacca takoha rodu mierapryjemstvy», — dadała Šacikava.
Akramia taho, jana paviedamiła, što Jermalicki paabiacaŭ dać piśmovy adkaz, kudy i na kaho była pieranakiravana padpiska na presu, na jakuju da śniežnia hetaha hoda byli padpisany palitźniavolenyja, raniej vyzvalenyja sa škłoŭskaj kałonii.
Pavodle słoŭ Barysa Buchiela, načalnik kałonii admoviŭsia pahutaryć ź niezaležnym karespandentam Alesiem Asipcovym, jaki pryjechaŭ razam z pravaabaroncami, zajaviŭšy, «što ŭ jaho jość svaje žurnalisty». «Jon taksama skazaŭ, što Statkievič śpić na nižnim jarusie i na vierchni jaho nichto nie zahaniaŭ. Chacia i hramadzianskaja žonka Statkieviča i jaho advakat havaryli, što jaho chacieli vyznačyć na vierchni», — adznačyŭ Buchiel.
Nahadajem, 11 kastryčnika apublikavany pašyrany śpis biełaruskich čynoŭnikaŭ, jakim zabaronieny ŭjezd u krainy Jeŭrasajuza. U jaho ŭklučany i načalnik škłoŭskaj kałonii Siarhiej Jermalicki jak «adkazny za biesčałaviečnaje abychodžańnie z asudžanym