Rasijski mašynabudaŭničy chołdynh «Ruskija mašyny», asnoŭny akcyjanier «Hrupy HAZ», adpraviŭ va ŭrad Biełarusi pakiet dakumientaŭ z varyjantami supracoŭnictva «Hrupy HAZ» ź Minskim aŭtazavodam (MAZ), paviedamiŭ hiendyrektar «Ruskich mašyn» Alaksandr Fiłataŭ žurnalistam 7 kastryčnika ŭ Maskvie.
Jak paviedamlałasia raniej, dziaržkarparacyja «Rastechnałohii», jakaja vałodaje 49,9% najbujniejšaha rasijskaha vytvorcy hruzavikoŭ KamAZ, minułaj zimoj prapanavała abjadnać jaho z MAZam. U žniŭni źjaviłasia infarmacyja, što, aprača «Rastechnałohij», na stvareńnie aljansu z MAZam pretenduje i chołdynh Aleha Dzierypaski «Ruskija mašyny», i ŭrad Biełarusi viadzie ź im aktyŭnyja pieramovy.
«My zdali dakumienty ŭ kancy vieraśnia. Zaraz jany znachodziacca na razhladzie kiraŭnictva Biełarusi»,- pryvodzić słovy Fiłatava žurnalistam RIA Novosti.
Jon padkreśliŭ, što «Ruskija mašyny» bačać surjoznuju sinierhiju ad supracoŭnictva z MAZam». «Nam nie krytyčna, jak realizoŭvać supracoŭnictva, — sumiesnaje pradpryjemstva, aljans abo inšy farmat», — skazaŭ jon.
Pieršy
Pieršapačatkova baki razhladali abmien akcyjami KamAZa i MAZa ŭ miežach abjadnańnia dźviuch kampanij, ale biełaruskija ŭłady admovilisia ad hetaha varyjantu. Zatym było prapanavana stvaryć SP, u jakoje buduć uniesieny 49,9% akcyj KamAZa i 49,9% akcyj MAZa, a taksama ceły šerah pradpryjemstvaŭ, jakija vyrablajuć aŭtakamplektujučyja jak u Rasii, hetak i ŭ Biełarusi. Kiraŭnik «Rastechnałohij» Siarhiej Čemiezaŭ zaznačaŭ, što pakiet akcyj KamAZa abjektyŭna kaštuje namnoha daražej, čym anałahičny pakiet MAZa. Pavodle słoŭ Čemiezava, paśla praviadzieńnia acenki stanie zrazumieła, jakija pradpryjemstvy ŭvojduć u SP.
Prem'
