Jak paviedamlajuć karespandenty «NN», na centralnych vulicach stalicy nie zaŭvažanyja ŭdzielniki akcyi «Stop-bienzin», abjaŭlenaj paśla čarhovaha padaražańnia paliva.
Na praśpiekcie Niezaležnaści i prylehłych vulicach zafiksavanaja aktyŭnaść milicyjantaŭ i supracoŭnikaŭ DAI. Pradstaŭnikam presy, u pieršuju čarhu fotareparcioram, daviałosia zadavolvacca tolki scenaj evakuacyi milicejskim traktaram lehkavika.
Nahadajem, što arhanizatary akcyi nie admaŭlajucca ad stratehii, jakaja vykarystoŭvałasia padčas papiarednich pratestnych vystupleńniaŭ.
Siońnia z 19.00 da 19.30 jany prapanoŭvali aŭtamabilistam pryjechać na centralnyja praśpiekty, Niezaležnaści i Pieramožcaŭ, i źnizić chutkaść da 20–30 km/h.
Varta nahadać taksama, što zapłanavanaja na viečar 14 vieraśnia ŭ Minsku akcyja aŭtamabilistaŭ suprać padaražańnia paliva «Stop-bienzin» nie adbyłasia.
