Lidaru hramadzianskaj kampanii «Havary praŭdu!», kandydatu ŭ prezidenty Biełarusi na vybarach 2010 hoda Uładzimiru Niaklajevu vyniesiena aficyjnaje papiaredžańnie za pajezdku za miažu. Adpaviednaje paviedamleńnie ŭručyli palityku 3 kastryčnika ŭkryminalna-vykanaŭčaj inśpiekcyi Leninskaha RUUS Minska.
Papiaredžańnie źviazana ź jaho pajezdkaj 27–30 vieraśnia ŭ Varšavu na samit Uschodniaha partniorstva. Nahadajem, zhodna z rašeńniem suda, Niaklajevu zabaroniena vyjazdžać za miažu.
«U adpaviednaści z artykułam 181
Ja admaŭlajusia padyhryvać uładam i vykonvać pryznačanuju mnie rolu złačyncy, liču i budu ličyć siabie svabodnym čałaviekam», — zajaviŭ Niaklajeŭ.Jak paviedamiŭ Niaklajeŭ, u
kryminalna-vykanaŭčaj inśpiekcyi ź jaho ŭziali tłumačeńni. «Ja zajaviŭ, što nie pryznaju svajoj viny, tamu što asudžany niezakonna, u suviazi z vykanańniem sudom palityčnaha zakazu ŭładaŭ.
***
Nahadajem, 20 maja sud Frunzienskaha rajona Minska pryznaŭ Uładzimira Niaklajeva vinavatym pavodle č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pryhavaryŭ da dvuch hadoŭ pazbaŭleńnia voli z adterminoŭkaj pryhavoru na dva hady. Niaklajeŭ pavinien rehularna adznačacca ŭ milicyi, viartacca dadomu nie paźniej za 22.00, infarmavać milicyju pra svaje pajezdki.
9 vieraśnia sud Leninskaha rajona Minska nakłaŭ na asudžanaha palityka dadatkovyja abmiežavańni pry adbyćci pakarańnia. Niaklajevu, u pryvatnaści, zabaroniena vystupać arhanizataram abo ŭdzielnikam masavych šeściaŭ, demanstracyj, pikietaŭ i inšych masavych mierapryjemstvaŭ; jon nie moža vyjazdžać za miežy Minska bieź piśmovaha dazvołu pravaachoŭnych orhanaŭ i pakidać miežy Biełarusi da zakančeńnia terminu pakarańnia. Palityku taksama pradpisana rehistravacca ŭ pravaachoŭnych orhanach pa miescy žycharstva raz na tydzień i znachodzicca doma štodnia z 20.00 da 6.00.