3 kastryčnika namieśnica staršyni «Maładoha frontu» [zarehistravany ŭ Čechii] Nasta Pałažanka atrymała apošniaje papiaredžańnie. U vypadku jašče adnaho pryciahnieńnia da administracyjnaj adkaznaści ŭmoŭny termin dziaŭčyny pieratvarajecca ŭ realny — hod źniavoleńnia.
Nasta Pałažanka adsiedzieła 11 sutak pa abvinavačvańni ŭ parušeńni paradku arhanizacyi i praviadzieńnia masavaha mierapryjemstva. Sudździa Centralnaha rajona Minska Natalla Vajciachovič pakarała dziaŭčynu aryštam na 11 sutak, abvinavaciŭšy ŭ parušeńni č.3. art. 23.34 KoAP RB (parušeńnie paradku arhanizacyi i praviadzieńnia masavaha mierapryjemstva, ździejśnienaje paŭtorna na praciahu hoda). Pałažanka i Uładzimir Jaromienak byli zatrymanyja ranicaj 19 vieraśnia pa padazreńni ŭ vyviešvańni nacyjanalnych ściahoŭ.
3 kastryčnika jaje vyklikali ŭ Pieršamajski RUUS Minska i, uziaŭšy tłumačeńnie, dali padpisać papieru ab vyniasieńni dziaŭčynie aficyjnaha papiaredžańnia ab niedapuščalnaści administracyjnych pravaparušeńniaŭ.
