U NAN Biełarusi adkryłasia vystava«Hałahrafija-2011» , na jakoj možna ŭbačyć najlepšyja ŭzory mastackaj hałahrafii.
Mižnarodnaja vystava mastackich hałahramaŭ sabrała bolš za 150 rabot z 20 krain, paviedamiŭ na cyrymonii adkryćcia zasnavalnik mastackaj i achoŭnaj hałahrafii ŭ Biełarusi, staršynia rady dyrektaraŭ ZAT «Hałahrafičnaja industryja», akademik Mižnarodnaj inžyniernaj Akademii Leanid Tanin.
«Kaštoŭnaść vystavy ŭ tym, što jana abjadnoŭvaje viadučych stvaralnikaŭ mastackich hałahramaŭ z roznych krain śvietu, — rastłumačyŭ Leanid Tanin.- Ja nie viedaju precedentaŭ praviadzieńnia vystaŭ mastackich hałahramaŭ z udziełam takoj kolkaści krain i ekspanataŭ» — cytuje jaho BiełTA.
Tematyka hałahramaŭ, pradstaŭlenych na mižnarodnaj vystavie, raznastajnaja. Naviedniki zmohuć ubačyć ekspanaty biełaruskich muziejaŭ, Ermitaža, Łuŭra, a taksama rekłamnyja postary, mastackija kampazicyi, partrety. Da prykładu, na asnovie ekspanataŭ Biełaruskaha histaryčnaha muzieja stvoranaja kalekcyja hałahramaŭ «Skarby ziamli biełaruskaj», u liku jakich kryž Jeŭfrasińni Połackaj. Jak zapeŭnivajuć stvaralniki mastackich hałahramaŭ, supadzieńnie aryhinału i jaho trochmiernaha malunka amal stopracentnaje. Pierakanacca ŭ hetym možna samim naviednikam — u vystavačnaj zale Akademii navuk dla paraŭnańnia raźmieščanyja i realnyja pradmiety, dvajnikami jakich stali hałahramy. Hałahrafičnyja technałohii dazvalajuć uznavić trochmiernyja vyjavy fizičnych abjektaŭ poŭnym prajhravańniem realnaści pry dapamozie hulni śviatła i vykarystańnia zakonaŭ optyki. Mižnarodnaja vystava mastackich hałahram
