«Žaleznaha čałavieka — 3» zdymuć na radzimie «Čarapašak-nindzia» 1

Zdymki čarhovaha filma z Robiertam Daŭni-małodšym projduć u Paŭnočnaj Karalinie. Kinošnikaŭ pryvabili tudy hrašyma.

Čarhovy film pra «Žaleznaha čałavieka» (Iron Man III) buduć zdymać u horadzie Uiłminhtan, štat Paŭnočnaja Karalina. U hałoŭnaj roli — znoŭ Robiert Daŭni-małodšy, a premjera pryznačanaja na pačatak maja 2013 hoda.

U studyi Marvel spačatku płanavali, što treciaja saha pra Toni Starka budzie zdymacca ŭ štacie Mičyhan, u Detrojcie, dzie paabiacali ŭ jakaści materyjalnaj padtrymki 13 miljonaŭ dalaraŭ. Adnak kiniematahrafistaŭ pieravabiła Paŭnočnaja Karalina: stvaralnikam prapanavali bolš ščodruju sumu, ale jakuju mienavita, pakul nie kažuć. Raniej paviedamlałasia, što na «Žaleznaha čałavieka» nieabchodna vydatkavać 20–30 miljonaŭ dalaraŭ, adznačaje Detroit Free Press.

Žychary Uiłminhtana biez asablivaha ździŭleńnia pryniali da viedama hetuju infarmacyju — tam daŭno pryzvyčailisia da zdymačnaj mituśni. Kinošniki ablubavali nievialikaje miastečka jašče z časoŭ «Čarapašak-nindzia» i «Supierbratoŭ Marya».

Vidy hetaha horada možna taksama razhladzieć u stužkach «Ja viedaju, što vy zrabili minułym letam», «Taja, što naradžaje ahoń» i «Krumkač». Usie hetyja filmy zdymalisia mienavita tut.

0

0

0

0

0

0

ntv.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH