Ab hetym zajaviła ŭ efiry ANT ministr pracy i sacyjalnaj abarony Marjana Ščotkina.
U Biełarusi siońnia amal 348 tys. — ludzi, jakija vyjšli na piensiju raniej za ahulnaŭstanoŭleny piensijny ŭzrost. Litva, Łatvija, Kazachstan admianili lhotnyja piensii, — padkreśliła Ščotkina, a ŭ Biełarusi «hety instytut budzie zachavany i ŭ dalejšym: za rabotu ŭ škodnych umovach pracy i h.d.».
Jana adznačyła, što sacyjalnaja palityka ŭ Biełarusi raźvivajecca pavodle pryniatych prahram, niahledziačy na isnujučyja ekanamičnyja ŭmovy. «Pierš za ŭsio heta datyčycca zachavańnia piensijnaha ŭzrostu: 55 hadoŭ dla žančyn i 60 hadoŭ dla mužčyn. Da pytańnia pavyšeńnia piensijnaha ŭzrostu nieabchodna stavicca vielmi ŭzvažana. Tamu ŭ bližejšaj piacihodcy źmianieńnia piensijnaha ŭzrostu nie budzie», — skazała Marjana Ščotkina.
