«Našy muzyki zaŭsiody prosiać hanarar u dalaravym vyražeńni» 2

21 kastryčnika ŭ klubie «Re:Public» (Prytyckaha 62) projdzie fest «Rok pa vakacyjach».

Čamu festyval, sama nazva jakoha śviedčyć pra toje, što jon musić pravodzicca ŭ pieršyja dni vieraśnia, zaraz adbudziecca pad kaniec kastryčnika? Čamu siarod vystupoŭcaŭ tolki dva biełaruskamoŭnyja hurty i niama pradstaŭnikoŭ kłasyčnaj chvali biełroku? Čamu kvitki na «Rok pa vakacyjach» takija darahija?

Na hetyja pytańni adkazaŭ arhanizatar festu Pavał Kašyryn.

TH: «Rok pa vakacyjach» tradycyjna pravodziŭsia ŭ pieršych čysłach vieraśnia. Čamu ciapier takaja zatrymka?

Zaraz zusim nie taja situacyja. Kali raniej «Rok pa vakacyjach» prachodziŭ 1 vieraśnia na adkrytym pavietry, to ciapier takoje zrabić niemahčyma. Niekalki hadoŭ my sprabavali rabić fest kali nie 1–2 vieraśnia, dyk u siaredzinie miesiaca. I dva hady zapar nam davodziłasia pieranosić. U vieraśni narod jašče nie hatovy, hrošaj niama, nichto jašče nie raskačaŭsia. Tamu sioleta ja vyrašyŭ nie ryzykavać. Pa-druhoje, u źviazku z kryzysam vielmi ciažka iduć pieramovy ź ludźmi, jakija padtrymali našaje mierapryjemstva. Sponsaraŭ znajści bolš składana, čym raniej. Tamu ŭsio zaciahnułasia. Ale ciapier, byccam by, pytańni vyrašanyja i 21 kastryčnika «Rok pa vakacyjach» dakładna adbudziecca.

TH: A čamu taki śpis vystupoŭcaŭ sioleta?

Ja rablu staŭku na našyja sučasnyja maładyja hurty, jakija ŭžo ŭzyšli ci tolki ŭzychodziać na niebaschił alternatyŭnaj muzyki. Na maju dumku, atrymaŭsia hetki atamny skład. Usie hurty, jakija buduć hrać, znachodziacca «na słychu», jana časta vystupajuć, pra ich kažuć u internecie. Mnie navat pryjšłosia admovicca ad piaci hurtoŭ, bo čas fiestyvalu nie dazvalaŭ źmiaścić usich.

TH: Fest raźličany najpierš na moładź. Ale čamu takija darahija kvitki — 80 tysiačaŭ za tancplac?

Heta abumoŭlena, pa-pieršaje, novymi koštami. Pa-druhoje, nie chaciełasia b pra heta kazać, ale ja ŭžo stamiŭsia ad taho, što našyja muzyki zaŭsiody prosiać hanarar u dalaravym vyražeńni (dziakuj Bohu, što jašče nie ŭ jeŭra!). Ja suprać hetaha, bo ŭ nas ludzi nie zarablajuć u dalarach i kvitki pradajucca za rubli. Zrazumieła, što z padaražańniem dalara padvysilisia ceny, i hurty prosiać hanarary trochi vyšejšyja, čym było raniej. A jašče jość arenda, jość padatki, bo my ž robim usio aficyjna i adkryta. Kvitok na tancplac za 80 tysiačaŭ rubloŭ (heta 10 dalaraŭ) na čatyrochhadzinny fiestyval z udziełam kali nie lepšych, to adnych ź lepšych maładych huroŭ našaj krainy — heta, mnie zdajecca, nia šmat.

Festyval «Rok pa vakacyjach» projdzie 21 kastryčnika, a 19.00 u kłubie «Re:public» (vuł. Prytyckaha, 62).

Udzieł biaruć: Drum Esctasy, Akute, «Kaśsiopieja», No Comment Band, Yeloow Brick Road, «Pietla pristrastija», ZM99, Kull Orchestra.

Alaksiej Minčonak, «Tuzin Hitoŭ»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH