Jašče adzin pravaabaronca nie byŭ dapuščany ŭ Biełaruś, paviedamlaje Mižnarodnaja naziralnaja misija Kamiteta mižnarodnaha kantrolu za situacyjaj z pravami čałavieka ŭ Biełarusi.
Jak skazana ŭ paviedamleńni, 30 vieraśnia 2011 hoda ŭ 3 hadziny 20 chvilin ukrainskamu hramadzianskamu aktyvistu, členu Usieŭkrainskaj maładziožnaj hramadskaj arhanizacyi «Fundacyja rehijanalnych inicyjatyŭ» Uładzimiru Siańko było admoŭlena ŭ pierasiačeńni biełaruskaj miažy.
Jon jechaŭ u Biełaruś ciahnikom Kijeŭ — Minsk. Pry praviercy dakumientaŭ padčas prachodžańnia pahraničnaha kantrolu stała viadoma, što jaho proźvišča znachodzicca ŭ bazie danych pahraničnaj słužby z paznakaj «ujezd niepažadany ci zabaronieny». Padstavy, pa jakich hramadzianinu Ukrainy byŭ zabaronieny ŭjezd, pahraničniki nazvać nie zmahli. Siańko vysadzili ź ciahnika.
Pravaabaronca čakaŭ vydvareńnia try hadziny. Uvieś hety čas jaho dakumienty znachodzilisia ŭ pahraničnikaŭ, a kali ich viarnuli, na apošniaj staroncy svajho pašparta jon ubačyŭ štamp pra zabaronu na ŭjezd biez ukazańnia daty zabarony i krainy, u jakuju zabaronieny ŭjezd. Aktyvist byŭ vymušany kupić zvarotny bilet na elektraciahnik da Čarnihava za svoj košt.
Siańko staŭ dvanaccatym pradstaŭnikom Kamiteta mižnarodnaha kantrolu, jakomu zabaronieny ŭjezd na terytoryju Biełarusi ŭ suviazi z pravaabarončaj dziejnaściu.
