Žychar horada Viktar Miaziak byŭ zatrymany ŭ Baranavičach, kala padjezda doma na Parkavaj, ranicaj 30 vieraśnia, kali kleiŭ na došku abviestak ulotku pra «Narodny schod».
«Ja kleiŭ ulotku ŭ pryznačanym dla hetaha miescy, — raskazaŭ „IR“ Viktar Miaziak. — A kali paviarnuŭsia, to ŭbačyŭ čałavieka ŭ cyvilnym, jaki nazvaŭsia milicyjanieram dy pakazaŭ mnie paśviedčańnie. Jon skazaŭ, što ja zatrymany, ale nie patłumačyŭ za što». Praź niejki čas pryjechała milicejskaja mašyna i adviezła Miaziaka ŭ pastarunak.
Paśla 15.00 Viktara Miaziaka adpuscili, skłaŭšy na jaho pratakoł ab administracyjnym pravaparušeńni pa artykule 23.34 KAAP «Parušeńnie paradku arhanizacyi praviadzieńnia masavaha mierapryjemstva ci pikietavańnia».
Za dzień da hetaha milicyja zabrała z pracy Viktara Ciapina, jaki, pa śviedčańni vachcioraŭ i namieśnika dyrektara pa ideałohii, nibyta 23 i 27 vieraśnia raspaŭsiudžvaŭ na prachadnoj ulotki pra «Narodny schod». U pastarunku na jaho byŭ składzieny pratakoł ab administracyjnym pravaparušeńni pa artykule 23.34 KAAP «Parušeńnie paradku arhanizacyi praviadzieńnia masavaha mierapryjemstva ci pikietavańnia». Sud nad Ciapinym pryznačany na 6 kastryčnika za dva dni da pryznačanaj daty «Narodnaha schodu».
