Nahadajem, padatkovaja inśpiekcyja Partyzanskaha rajona Minska adpraviła isk u sud ab spahnańni z pravaabaroncy Valancina Stefanoviča bolš jak 37 młn. rubloŭ skrytaha padatku. Adpaviednaja suma nibyta nie vypłačanych Stefanovičam padatkaŭ raźličana ź jaho zamiežnych rachunkaŭ, infarmacyja pra jakija była pieradadziena ŭ Biełaruś ź Litvy.
Raniej Stefanovič nie viartaŭsia ŭ Biełaruś, bo ŭ jaho byli zapłanavanyja važnyja sustrečy z zamiežnymi pravaabaroncami, u tym liku pa spravie aryštavanaha
Stefanovič pryjechaŭ u Minsk 29 vieraśnia.«Mnie prapanoŭvali paprasić palityčnaha prystanišča ŭ niekatorych jeŭrapiejskich krainach. U pryvatnaści, takaja prapanova pastupiła ad aficyjnych asob Litvy. Ja admoviŭsia», — zaznačyŭ Stefanovič.
Jon taksama paviedamiŭ, što jamu prapanoŭvali zastacca ŭ Francyi, dzie znachodzicca centralny ofis MFPČ. «U ofisie mnie ci to žartam ci to ŭsurjoz kazali: «Zastavajsia, budzieš pracavać u nas». U adkaz ja skazaŭ:
«Nie, chłopcy, dziakuj za prapanovu, ale ja pajedu ŭ Minsk da siamji», — skazaŭ Stefanovič.
Jak zaznačyŭ Stefanovič, paśla doŭhaj adsutnaści ŭ Biełarusi jon pakul choča pabyć ź siamjoj. «Aprača taho, ja pakul jašče nie zusim vałodaju biełaruskaj situacyjaj. Dumaju, za vychadnyja ja sustrenusia sa svaimi paplečnikami, kalehami i z paniadziełka pačnu zajmacca svajoj pramoj, pravaabarončaj, dziejnaściu», — zajaviŭ Stefanovič.