Jarmolenka: Hałoŭnyja radki Hileviča — «I usio ž my dojdziem, dojdziem my da Biełarusi» + aŭdyjo 2

30 vieraśnia Narodnamu paetu Biełarusi Niłu Hileviču spaŭniajecca 80 hadoŭ.

«Hałoŭnaja zasłuha Hileviča ŭ tym, što jon jość, jon piša, i my možam śpiavać jahonyja pieśni, — kaža salist «Siabroŭ» Anatol Jarmolenka, vykanaŭca supierchita 1980-ch «Vy šumicie, biarozy» na słovy Niła Symonaviča. — Ja zyču spadaru Hileviču zdaroŭja, kab u jaho atrymałasia šmat novych tvoraŭ, jakija ŭ nas buduć vyvučać, a my z zadavalnieńniem budziem śpiavać pieśni na jaho vieršy».

Hałoŭnymi radkami Hileviča Anatol Jarmolenka ličyć «I usio ž my dojdziem, dojdziem my da Biełarusi»

… Ravuć viatry, hrymiać hramy,
Pył zaścić vočy nam, i ŭsio ž,
I ŭsio ž my dojdziem, dojdziem my
Da Biełarusi!..

Siabry / Nił Hilevič. Šlach da Biełarusi:

Muzyka Mikałaja Sacury.

Za viekam viek płyvie-ciače,
A my idziem, idziem… I što ž?
O, jak daloka nam jašče
Da Biełarusi!

Užo niaŭścierp nam kryž pakut,
I my kryčym, kryčym, ale —
Nie dakryčalisia pakul
Da Biełarusi.

A moža być, jana — miraž,
I ŭsie my tryźnim? Bo čamu ž
Nie dalataje hołas naš
Da Biełarusi?

Vidać, praklaćcia znak lažyć
Na nas ad rodu, i tamu
Tak ciažka šlach nam cierabić
Da Biełarusi.

Ravuć viatry, hrymiać hramy,
Pył zaścić vočy nam, i ŭsio ž,
I ŭsio ž my dojdziem, dojdziem my
Da Biełarusi!..

0

0

0

0

0

0

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH