Dzień lonu projdzie ŭ Minsku 5 kastryčnika 2

«Dzień lonu — heta prafiesijny pakaz lepšych pramysłovych kalekcyj ilnianoha žanočaha i mužčynskaha adzieńnia kłasa pret-a-porter siezona viasna — leta 2012, aksiesuaraŭ i abutku ad biełaruskich vytvorcaŭ», — adznačyli ŭ pres-słužbie «Biellehpram». Tam rastłumačyli, što hetyja kalekcyi dastupnyja dla šyrokich słajoŭ nasielnictva i pryznačany pieravažna dla paŭsiadzionnaha našeńnia. Meta prajekta «Dzień lonu» — zabiaśpiečyć efiektyŭnaje pradstaŭleńnie lnianoj pradukcyi ajčynnaj vytvorčaści na ŭnutranym i źniešnim rynkach. Mierapryjemstva taksama nakiravana na ŭmacavańnie i pašyreńnie dziełavych kantaktaŭ.

U pakazie prymuć udzieł 11 pradpryjemstvaŭ «Biellehprama»,

jakija pradstaviać ilnianyja kalekcyi (ad 10 kamplektaŭ). Pa adnoj kalekcyi adzieńnia ad pradpryjemstva pakažuć dyzajniery RUVHP «Aršanski lnokambinat», AAT «Ściah industryjalizacyi», AAT «Ełod», AAT «BiełKreda», AAT «Babrujsktrykataž», AAT «8 Sakavika», AAT «Svitanak», AAT «Paleśsie» i AAT «Kupalinka». Dla pakazu adzieńnia AAT «BiełKreda» Lidskaja abutkovaja fabryka pradastavić kalekcyju lnianoha abutku. Centr mody pakaža try pramysłovyja lnianyja kalekcyi. U kancernie padkreślili, što tkaniny dla pakazu na Dni lonu vyrableny Aršanskim ilnokambinatam.

«U našaha prajekta šyrokaja aŭdytoryja. u tym liku my raźličvajem na pradstaŭnikoŭ handlovych arhanizacyj, ad jakich budzie zaležać, ci ŭbačać našy pakupniki ŭ nastupnym siezonie ŭ mahazinach novyja i cikavyja lnianyja kalekcyi», — skazali va ŭpraŭleńni arhanizacyi handlu i markietynhu kancerna. Arhanizatary Dnia lonu — kancern «Biellehpram» i AAT «Centr Mody».

Modny pakaz adbudziecca ŭ demanstracyjnaj zale Centra mody (praśpiekt Pieramožcaŭ, 1). Pačatak u 14.00.

Dzień lonu projdzie ŭ ramkach Mižnarodnaj vystaŭki-kirmašu pa aptovym prodažy tavaraŭ lohkaj pramysłovaści «BiełTEKŚlehpram-2011. Vosień», jakaja adbudziecca 4–7 kastryčnika ŭ paviljonie NVC «Biełekspa» (vuł. Ja.Kupały, 27).

Tematyčnyja fiestyvali «Lon» prachodzili pad ehidaj kancerna i raniej. Z 2005 hoda byli praviedzieny čatyry fiestyvali. Takija mierapryjemstvy źjaŭlajucca krynicaj tvorčych idej, słužać zychodnym punktam u dalejšym raźvićci vytvorčaści, stvareńni novych brendaŭ i linij adzieńnia, adznačyli ŭ «Biellehpramie». Naprykład, AAT «Centr Mody», pačynajučy z 2005 hoda, prapanuje liniju sučasnaha ekałahičnaha žanočaha adzieńnia pad handlovaj markaj «Halereja lonu», jakaja stała vizitnaj kartkaj nie tolki minskaha Centra mody i Aršanskaha lnokambinata, ale i haliny ŭ cełym.

«Takija tematyčnyja prajekty płanujem raźvivać. Na nastupnaj vystaŭcy viasnoj u čas „BiełTEKŚlehpram-2012“ płanujem pravieści Dzień dziełavoha kaściuma», — padzialilisia zadumkami ŭ «Biellehpramie».

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH