29 vieraśnia ŭ sudzie byli začytany vyniki kompleksnaj kryminalistyčnaj vybuchova-techničnaj ekśpiertyzy, jakuju praviali ekśpierty-ŭzryvatechniki FSB Rasii. Pavodle vysnoŭ ekśpiertaŭ, kanstrukcyja, pryviedzienaja ŭ dziejańnie na stancyi mietro «Kastryčnickaja», ujaŭlała saboj sumieś bryzantnaha vybuchovaha rečyva, jakoje składajecca z amijačnaj saletry, aluminijevaj pudry i rečyva «utrapin». Vybuch mieŭ askołačna-fuhasnaje dziejańnie, zarad raźmiaščaŭsia na padłozie pierad vahonam numar dva ciahnika mietro. Masa zaradu — kala 12,5 kh. Jak adznačyli ekśpierty, pry vybuchu takoha zaradu na adkrytaj miascovaści ludzi mohuć atrymać traŭmy na adlehłaści 35 mietraŭ ad miesca vybuchu. Toj, chto znachodziŭsia ŭ pramoj bačnaści ad miesca vybuchu, moh atrymać ranieńni až da śmiarotnaha zychodu.
Vybuchovaja pryłada była pryviedziena ŭ dziejańnie šlacham sihnału na biespravodny zvanok, złučany z detanataram. Hety zvanok pasłaŭ elektraimpuls, jaki vyklikaŭ zamykańnie i pryvioŭ u dziejańnie vybuchovuju pryładu.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH