«Dobryja i našy haradskija ŭłady, inšyja orhany i struktury. Biurakratyzm, asabliva ŭ Minharvykankamie, siońnia pyšna kvitnieje», — zajaviŭ Łukašenka.
«Pryznačajučy novaha staršyniu vykankama i nakiroŭvajučy tudy kiraŭnika administracyi i ministra ŭnutranych spraŭ jak ludziej prezidenta, jakija pavinny byli bačyć, što tam adbyvajecca, ja spadziavaŭsia, što atrymaju kankretnuju addaču. Ale ŭsio naadvarot: toj biurakratyzm, jaki vy raźviali ŭ Minharvykankamie, mianie naściarožvaje. Heta mnie treba skarhi vysłuchoŭvać ad inviestaraŭ, što toje nie zrabili svoječasova, heta harvykankam nie dazvoliŭ. Zaćvierdzicie adzin prajekt i nie pieraškadžajcie ludziam pracavać.
Ździeklivaje staŭleńnie da ludziej. Zamiežniki pryvieźli hrošy, budujuć, a ich paŭhoda trymajuć u pryjomnaj. Heta što?
Vy takim čynam vykručvajecie ruki, namiakajecie, kab jany (inviestary) chabar vam dali?» — zajaviŭ Łukašenka.
Jon zhadaŭ, što Maskva «daje 40% rasijskaha biudžetu, miljardy dalaraŭ. Voś što takoje stalica dla krainy», pieradaje Interfaks.
Łukašenka zajaviŭ, što ŭ jaho było žadańnie
«viečaram harvykankam začynić, a ranicaj usich adpravić na vulicu i nabirać novy skład harvykankama.
My pahladzieli na ŭsich pavierchach vašaj pracy: biurakratyzm žudasny,
ź ludźmi razmaŭlać nie ŭmiejecie».
Jon adznačyŭ, što ŭ jaho raniej była razmova z staršynioj Minharvykankama z hetaj nahody.
«Ale ja jašče raz paŭtaraju: nie daj boh, nie patłumačycie pa hetych inviestprajektach i budziecie raspaviadać, što ŭ hetym nie vaša vina.
Nie daj boh, nadalej pačuju choć adnu skarhu — narakajcie na siabie, tam budzie novy staršynia harvykankama»,— adznačyŭ Łukašenka. Jon zapatrabavaŭ ad kiraŭnika Minska razabracca sa svaimi pamahatymi i namieśnikami.
«Što heta za naplavacielskaje staŭleńnie da ludziej? Ja na heta hladzieć spakojna nie mahu».
Pavodle Łukašenki, «sumna, što kiraŭnik administracyi prezidenta i ministar unutranych spraŭ, adkaznyja za horad, hetaha nie bačać. I ŭrad taksama zakryvaje vočy. Vałakita, zaciahvańnie času. Dy ciapier treba inviestara abdymać, całavać, vadzić za ruku pa Minsku, kab jon pracavaŭ. Jon ža valutu viazie siudy».