Prem'
Piśmieńnica Darja Dancova vykazała hałavie ŭrada pretenzii z nahody taho, što jon u adnym ź intervju nazvaŭ jaje knihi «lohkim čytvom». Na dumku Dancovaj, takim čynam jon abraziŭ nie tolki jaje, ale i «miljony čytačoŭ».
Pucin źjaviŭsia na sustreču sa spaźnieńniem i pačaŭ z zasilla «lohkaha čytva». Tolki jano harantavana pradajecca, biedavaŭ Pucin, tamu vydaŭcy nie ryzykujuć źviazvacca z surjoznymi aŭtarami, bajučysia nierealizavanych nakładaŭ. Vypravić hetuju situacyju dapamohuć papraŭki ŭ Padatkovy kodeks.
U adkaz na heta Dancova nahadała Pucinu, što jon čaściakom źjaŭlajecca ŭ ŚMI za šturvałam i ź vintoŭkaj, ale ni razu — na adkryćci knižnaj kramy. «Čynoŭniki voźmuć z vas prykład choć by z padchalimstva — vaźmicie ŭ ruki knihu i čytajcie», — paraiła piśmieńnica.
«Što da taho, kab presa pazdymała mianie ci Dźmitryja Anatoljeviča z knihaj, na adkryćci knižnaj kramy, na knižnym kirmašy — heta, viadoma, možna i, napeŭna, treba rabić. Zapeŭnivaju vas, tyja, chto vyrablaje małako, prosiać mianie čaściej źjaŭlacca sa šklankaj małaka. Tyja, chto vyrablaje miasa, chočuć, kab čaściej bačyli, jak ja jem ajčynnaje miasa, i hetak dalej. Vy darma śmiejaciesia, praŭda, tak i kažuć pra heta, tak i prosiać», — paryravaŭ premjer.
«Dziuma taksama lohkim čytvom nazyvali — da hetaha času nichto jaho nie zabyŭsia, ja sam u dziacinstvie začytvaŭsia, — nahadaŭ Pucin i paśpiašaŭsia zapeŭnić pakryŭdžanych. — Ja nie ŭkładvaŭ u słovy „lohkaje čytvo“ ničoha błahoha». «Pačnuć z Maryninaj — da kłasiki piarojduć, — dadała ŭ kancy Dancova. — U jaje časta ŭ knihach hieroi kłasiku čytajuć».
Inšych pradstaŭnikoŭ «lohkaha» žanru zajavy premjera zusim nie pakryŭdzili.Pad zasłonu sustrečy Taćciana Uścinava rassypałasia ŭ kamplimientach Pucinu. «Ja pra svabodu dva słovy chacieła skazać, vielmi ŭžo cikava. Nasamreč tyja 20 ź liškam hadoŭ, što isnuje novaja Rasija, novaja rasijskaja litaratura była absalutna svabodnaj, heta značyć, my pisali i pišam, ułasna kažučy, absalutna ŭsio, što chočam, u nas niama nijakaj cenzury, nu, prynamsi ŭ mianie, ja nie viedaju, jak u astatnich. Nas nichto nie praviaraje i nie kantraluje», — zajaviła jana.
Zrešty, u inšych piśmieńnikaŭ usio ž paŭstali davoli vostryja pytańni da premjera, a jaho adkazy jany ŭspryniali ź ironijaj. U pryvatnaści, piśmieńnik Zachar Prylepin zadaŭ pytańni pra suviazi premjera ź biznesoŭcam Hienadziem Cimčankam — uładalnikam najbujniejšaha naftatrejdara Gunvor, a taksama pra kradziažy ŭ «Transnafcie». Pucin vietliva adkazaŭ na pytańni, adkinuŭšy
Padtrymać zadadzieny Prylepinym hradus pasprabavaŭ
«Hałoŭnaje majo ŭražańnie ad sustrečy: u Pucina pryhožyja błakitnyja vočy. Ja išoŭ na sustreču z adnym pierakanańniem adnosna ŭłady — i vyjšaŭ z tym samym», — zajaviŭ pa vynikach sustrečy Prylepin. «U premjera na ŭsie pytańni hatovyja vydatnyja spartyŭnyja adkazy. Jaho pažadańnie „krytykavać uładu“, nie viedaju, prajava vietlivaha tonu, napeŭna», — dadaŭ jon.
«Ja paličyŭ, što Uładzimir Uładzimiravič znachodzicca ŭ vydatnaj spartyŭnaj formie i hatovy i šeść, i dvanaccać hadoŭ vysłuchoŭvać takija pytańni i davać takija ž lohkija, razumnyja i afarystyčnyja adkazy», — adznačyŭ Prylepin u intervju «Echu Moskvy». Pavodle słovaŭ piśmieńnika, jaho naohuł ździviła zaprašeńnie na hutarku z premjeram, bo čynoŭnika, jaki zaprasiŭ jaho na papiaredniuju sustreču z Pucinym, paśla hetaha zvolnili.
