«Ź Dźmitryjem Ivanavičam Usam ja razam znachodziŭsia ŭ karantynie vypraŭlenčaj kałonii № 19, — kaža Illa Vasilevič. — Staŭleńnie da jaho z boku administracyi było bolš strohaje, čym da astatnich źniavolenych. Dźmitryj Ivanavič nie padpisaŭ papiery „ab pravapasłuchmianych pavodzinach“, ale razam ź inšymi asudžanymi pryciahvaŭsia da prybirańnia pamiaškańniaŭ karantynu. Mnie padajecca, navat čaściej za inšych.
Potym jaho etapavali ŭ Minsk dla ŭstanaŭleńnia hrupy invalidnaści, ale hrupu nie dali, jon znoŭ viarnuŭsia ŭ
Ale nie treba było być lekaram, kab zrazumieć, nakolki jamu ciažka dajecca vykananaja im praca.
Kamisija, jakaja pryznačyła Dźmitryju Usu invalidnaść treciaj stupieni, była sklikanaja, nakolki ja pamiataju, tolki na pačatku vieraśnia ŭžo ŭ zonie. I kali da rašeńnia kamisii ab hrupie invalidnaści Dźmitryj Ivanavič pracavaŭ da abiedu, to zaraz jaho stali haniać na vytvorčuju zonu z ranicy da viečara, jak i mianie, i Fiedarkieviča (u spravie u jakoha, darečy, adznačana, što jon invalid druhoj hrupy) . Nas prymušali pracavać, choć my nie „dekretčyki“ i nie „pazoŭniki“ (niama ekanamičnych pazovaŭ, niama materyjalnych pretenzij), u toj čas jak „pazoŭnikaŭ“ — niama.
Niekalki razoŭ my ź Dźmitryjem Ivanavičam pierasiakalisia ŭ stałovaj pramzony. Jon zvyčajna prasiŭ čałavieka, jaki nakładaje ježu, nalivać jamu tolki paŭtalerki supu.
Sprava ŭ tym, što ŭ jaho drenna pracuje adna ruka i jon nie moža danieści talerku da padnosa, kab nie raźlić sup.Kali ŭ mianie atrymlivałasia być pobač, ja dapamahaŭ jamu, ale heta zdarałasia niačasta — my sa Dźmitryjem Ivanavičam byli ŭ roznych atradach.
Jon kazaŭ mnie, što listy jamu iduć vielmi doŭha, i sumniavaŭsia, ci dachodziać da adrasataŭ listy, jakija adpraŭlaje jon. Listy z kvitancyjami ab padpiscy na haziety prynosili jamu tolki tady, kali miesiac užo skančaŭsia. Viadoma, administracyja rabiła heta śpiecyjalna, u raźliku ździejśnić psichałahičny cisk na kandydata ŭ prezidenty.
Asabliva mnie zapomniłasia, jak adnojčy jon sumna skazaŭ mnie: „Napeŭna, ja nie dažyvu…“
Ale niahledziačy na ŭsie niahody i ciažkaści jon nie padpisvaje prašeńnie ab pamiłavańni. Jon vielmi mužny i stojki čałaviek».
***
26 vieraśnia svajakam eks-kandydata na pasadu prezidenta na vybarach 2010 hoda Dźmitryja Usa stała viadoma, što jon pieraviedzieny z mahiloŭskaj kałonii ŭ respublikanski turemny špital na vuł. Vaładarskaha ŭ Minsku.
